2012年1月11日星期三

自討苦吃

噚日去咗剝牙.
話說我有隻打橫生嘅智慧齒. 呢幾年開始崩. 最近仲開始痛添. 睇咗醫生打咗唔知枝乜針唔再痛. 但係都決定剝咗佢.
噚日喺
科醫院,打咗麻醉針. 要簽生死狀. 其實係話個醫生已經解釋所有嘢. 


呢度剝牙同我以前經驗唔同. 一入去個護士幫我包頭,好似啲回教女人咁只見塊面. 醫生喺隻牙鑽咗幾嘢就開始出力撬.  突然卜一聲,個醫生即shit. 睇嚟隻牙斷咗. 佢再鑽.今次佢講Bravo. 咁即係剝咗出嚟喇. 咬咗綿花一陣就跟個護士去照X光. X光個image即刻去咗醫生度. 佢睇過冇嘢留咗喺牙肉就聯傷口. 護士講解之後注意嘅嘢(知我德文只有半桶,佢哋都仲係全德文).  畀咗止痛藥同一張印咗佢講過嘅嘢就走得lu.


搭電車回家圖中一直睇梗書. 入地底時突然漆黑一片. 唔係化?! 維也納電車窮到要節電?? 過咗幾個站個司機先開燈.

經過屋企附近間書店見有Sun Zi兵法!!

都唔明剝牙點解會喉嚨痛. 我又冇大嗌. 食嘢時張大口.....嘩!
傷口痛到呢...痛到食蕉都痛. 以前都冇咁嘅. 
隻牙唔痛都去剝. 真係自討苦吃.
今日會去覆診.

26 則留言:

  1. 牙痛真係好慘,剝咗都好,免除後患,祝早日好番唔再痛!^^
    [版主回覆01/12/2012 01:42:42]決定剝都係想除後患

    回覆刪除
  2. 剝咗第二日止咗血就好番食得野喇﹗
    [版主回覆01/12/2012 01:42:05]今日慢慢地食番o野lu

    回覆刪除
  3. 保重呀, 剥牙呢家野真係可以好痛, 尤其係智慧齒 .... 睇完你寫我都寒一寒...
    [版主回覆01/12/2012 01:41:53]以前都剥過智慧齒都冇咁痛

    回覆刪除
  4. 做乜剝牙要包住個頭? 我上次剝牙都喉嚨發炎, 醫生話原本o係牙裡面d 菌走左入去嘛
    [版主回覆01/12/2012 01:40:03]覆診時醫生話normal喎. 可能見我德文麻麻地,佢冇再解釋. 包住個頭可能係唔想d血滴到啦. 佢d工具放o係我頭頂位置.

    回覆刪除
  5. 剝智慧齒係痛耐啲 o架!休息多啲啦!
    [版主回覆01/12/2012 01:37:05]個口休息咗一日,今日慢慢地食番o野lu

    回覆刪除
  6. 同我上次一模一樣,無心機左幾日...
    [版主回覆01/12/2012 01:36:40]又唔使無心機, 我今日慢慢地食番o野lu.

    回覆刪除
  7. 我尋日都剝了智慧牙, 過程比你好D。
    [版主回覆01/12/2012 05:43:50]你就好啦.

    回覆刪除
  8. Samwei 剝牙無痛喎
    [版主回覆01/12/2012 05:44:20]我以前剝都唔係好痛架.

    回覆刪除
  9. 哈哈,咁啱,你同samwei都係出剝牙post喎!
    [版主回覆01/12/2012 06:49:46]真係咁鬼啱.

    回覆刪除
  10. 估唔到你低低地竟然都出智慧齒喎XDD..
    牙痛咪俾個好藉口在食雪糕啦...
    [版主回覆01/12/2012 22:20:04]有証據啦,等你仲以為我真係低低地.hahaha.食雪糕使乜搵藉口架.

    回覆刪除
  11. 剝克牙好好休息呀!
    [版主回覆01/12/2012 22:20:17]食番o野lu

    回覆刪除
  12. kakaka....... sorry 呀你的苦況本來係唔應該笑的 , 但你描述得實在太好笑了 , 現在好啲未呀 ! 食雪糕會好啲0架 , 套用我亞媽話齋瞓醒就冇事0架喇 .
    [版主回覆01/12/2012 22:20:33]食番o野lu

    回覆刪除
  13. 真有智慧, 咁嘅資歷, 還有齒脱, HAHAHA
    [版主回覆01/12/2012 22:21:03]我唔係好資深架咋.

    回覆刪除
  14. 剝左就一了百了囉,都好0既
    [版主回覆01/12/2012 22:21:32]唔剝唔知佢幾時都再痛

    回覆刪除
  15. 真係咁痛?我剝智慧牙又無咁痛喎,係咪你唔忍得痛咋
    [版主回覆01/12/2012 22:22:04]我以前剝過都冇咁痛

    回覆刪除
  16. 剥智慧齒唔係講笑架!你仲咁老先去剝添~ :p
    [版主回覆01/12/2012 22:23:04]我呢d係成熟智慧型男嘛.

    回覆刪除
  17. 咁成日都無食野呀?
    [版主回覆01/12/2012 22:24:44]食咗兩片火腿,一隻蕉,兩杯奶咋.

    回覆刪除
  18. 可能隻牙雖然止左痛,但重發緊炎,可以先會咁痛!
    [版主回覆01/12/2012 22:24:57]可能係喎.

    回覆刪除
  19. 首先讚下你個BLOG首新歌幾好聽。
    小朋友,牙痛慘過大病, 係真架!
    好彩我個次剥得都算順利,你好快唔痛架啦。
    [版主回覆01/12/2012 22:26:14]幾好聽,唔知Eurovision會唔會搵佢做代表. btw食番o野lu

    回覆刪除
  20. 打橫生遲早出問題喇......早剝早着^^ 喉嚨痛係咪剝牙時個口張得太大呀:P
    [版主回覆01/14/2012 00:19:49]blog友個醫生話o係牙裡面d 菌走左入去喎.

    回覆刪除
  21. 之前幫我剝個牙醫好好手勢 又唔痛 真係好彩呀:P
    [版主回覆01/14/2012 00:20:19]我以前剝都唔痛架.

    回覆刪除
  22. 如果痛, 醫生叫剝就要架喇...

    BTW, 現在好番未...
    [版主回覆01/14/2012 21:36:31]個醫生冇叫我剝架. 係我要求. btw e+冇o野lu.

    回覆刪除
  23. 剝智慧齒,九风都發燒,腮位腫哂。我係香港剝,非常成功,無痛無腫呀!
    [版主回覆01/14/2012 21:37:05]e+o個個位仲有少少腫

    回覆刪除
  24. Pandora 香傭講法文2012年1月15日 上午3:52

    我剝足4隻呀, pity me!!
    [版主回覆01/15/2012 22:55:47]一次過4隻?? POOR

    回覆刪除
  25. 長痛不如短痛呀, 痛一次絶後患都好既. 我好耐以前都剝晒四隻lu.
    [版主回覆01/18/2012 17:35:35]我有問題先剝

    回覆刪除
  26. 食雪糕喇~~
    [版主回覆01/23/2012 18:14:09]天氣凍唔想食.

    回覆刪除

入咗嚟,不如寫幾隻字,留個言啦.