2012年2月3日星期五

帶病遊列日市(上)

今次去科隆已經plan咗搵一日去吓其他地方. 咁啱有奧地利報紙介紹比利時列日市Liège(荷蘭文Luik德文Lüttich).  喺Google Earth見呢個城市都幾特別,離科隆只係一個鐘火車. 於是擇咗日一月二十去. 但係未買車飛住,因為想問吓啲德國friends有冇平啲嘅方法去.
科隆去列日真係只有火車. 但係啲friends話喺比利時火車網站買飛會平過DB架. 咁又真係見有平啲喎,可惜個website故障book唔到. 唯有去DB個centre問同一班火車幾錢(DB個網冇show價錢), 價錢同比利時一樣,咁喺度買lu. 四十幾歐來回.

一早出發,九點幾已經到咗Gare des Guillemins火車站. 型爆!!





好似香港返工咁攞份都市日報睇吓先.


列日市旅遊資訊少得可憐.  維也納只有比利時荷蘭語區旅遊局,冇法語區資料. www.liege.be又廢廢地. 見法語區喺科隆有office,第一個working day就去Belgisches Haus睇睇. 去到問個counter有冇Liège地圖啦. 答案係你自己喺個架搵啦. 搵呀搵,都唔見有. 再去counter話唔見有喎. 咁佢CC地氣出嚟搵. 都係冇喎.  佢就話你去到火車站問啦. 心諗你耍我咩,我check過火車站都冇information centre.  唯有跟google map手繪一張. 好彩出咗火車站行咗唔係好耐見到佢. 即影低.


第一印象Liège新舊建築並排,高矮不一,有啲凌亂.







Parc d'Avroy公園好似爛泥地咁...




聖誕橫額仲未拆.

人咁高嘅垃圾桶.

講番,出發前兩日突然一邊腳好痛,以為老人家風濕. 但係午睡時,7度氣溫開咗窗瞓都出晒大汗. (當然都有開暖氣啦) 弊! 作病. 第二日仲肚痾添. 心諗痾清會冇事. 出發當日仲衰,每個鐘都要去廁所報到.
行行吓有需要添. 又唔見有cafe,太早快餐店又未開. 酒吧有開但係唔想去. 好彩有救星, 0.2歐咋,都幾平.
呢日總共用咗1.7歐去廁所.

解決完先見有cafe. 呢間入到去見冇人坐,又好似未準備好. 問佢開未啦. 你有你用英文問,佢有佢用法文答. 總之係太早冇堂食啦.

跟住見呢間,

好吸引呢.

又係全法文, 我order 嘅waffle凍嘅.  嘥咗個quota.

我覺得呢度啲舗頭好識presentation. 肉檔,芝士檔...睇見好想買.

行行行,景點下篇先介紹.

又係lunch 嘅時候,唔知食乜好. 就去Quick快餐店食少少嘢啦. 驚喜地見兒童餐有Simpsons送. 問佢仲有冇啦,又係全法文...

佢係密實包裝. 唔知係乜款. 原來畀咗呢個我.

睇吓佢仲有乜款先.








27 則留言:

  1. 個車站外形嘅DESIGN好得,有冇裡面D相睇下﹖
    [Amour回覆02/04/2012 00:01:28]Thanks
    [版主回覆02/03/2012 22:49:00]加咗兩幅.

    回覆刪除
  2. 你去歐洲咁耐個腦都仲未洗清..滿腦子都係香港公屋印象 ,一定要全部一樣高度既咩...
    都話左你重口味啦..雕塑都唔放過d靚股XXD
    有冇買比利時古力返黎呀....3隻杯都係你隻最靚啦..嘩...你真係好彩既0者...係咪好0岩聽呢XXD
    [毛豆回覆02/03/2012 23:35:37]呢隻BB你揍大佢咪變Bart Simpsons囉XXXD
    [版主回覆02/03/2012 23:30:47]咁你錯喇. 就係嚟咗呢邊耐洗咗腦. 我呢度係一樣高度架. 隻杯唔係太靚,唔知有冇Bart Simpsons呢.

    回覆刪除
  3. 你係咪為左隻杯駛四十幾歐坐車去換?
    [版主回覆02/04/2012 00:35:04]咁我又冇咁癲,但係去之前都有check吓佢個website有乜玩具,佢冇話有Simpsons架.

    回覆刪除
  4. 送個杯都很實用! 呢個地方好悶喎, 仲有咩嘢睇。
    [版主回覆02/04/2012 03:55:22]景點遲d先post. 如果送玩具都啱我架.

    回覆刪除
  5. 個火車站真係好型呀
    [版主回覆02/04/2012 04:52:41]型爆!

    回覆刪除
  6. 個杯都幾靚吖!
    [版主回覆02/05/2012 01:47:58]如果佢有得俾我揀就好囉.

    回覆刪除
  7. 你都利害啦﹗頻頻要去厠所報到你都可以繼續遊﹗佩服佩服﹗
    [版主回覆02/05/2012 01:49:51]唔去嘥咗張車飛嘛.

    回覆刪除
  8. 個火車站真係好型喎
    估唔到你食個快餐都可以有戰利品
    [版主回覆02/05/2012 03:08:05]初初都唔知有.

    回覆刪除
  9. 德國人o吾講英文講法文架? 我知道法國人o吾講英文因為d英文太屎﹐識聽o吾識講。
    大人大姐買兒童餐無俾人眼望望o羊﹗
    [版主回覆02/05/2012 06:05:30]乜唔係16歲卜卜脆咩??
    [搞一爺回覆02/05/2012 04:44:55]眼仔大大既我睇過籠添﹗
    我系卜卜脆架! d老骨頭易碎架﹐o吾好打我呀﹗哈哈
    [版主回覆02/05/2012 03:11:03]你唔留心睇書,打你手板. 呢度係比利時法語區,佢地真係好似法國人咁唔講英文架. 大人大姐買兒童餐>>你唔俾我買俾個仔架???? 哈哈哈.

    回覆刪除
  10. 呢度冇野好睇喎,side左49歐...不過你可換來一隻杯:P
    [版主回覆02/05/2012 03:12:12]都唔係冇o野睇o既. 遲D出埋個景點篇

    回覆刪除
  11. 新舊建築並排,高矮不一====>上海街果D都係咁,可能睇慣左無感覺啦haha
    果個係咪摔跤雕塑黎架咋XXXD
    呢日總共用咗1.7歐去廁所====>莫講話1.7歐,急的話我諗17歐都照比啦
    又奇喎,反而唔見有麥記果D咩?不過聽你講過話歐洲果邊麥記廁所好多時都係要畀錢
    咩事你又學左魚咁,病君上身kakakaka,不過我都覺你比較更有毅力,至少屙都仲周圍去kakakakaka
    [版主回覆02/05/2012 03:24:19]可能係我睇慣維也納呢度d,呢度唔會高矮不一架. 應該係摔跤啦,你以為係 X 交呀?? kakakaka 呢度又真係唔見麥記喎, 我去o個間快餐廁所都要畀錢架. 屙都仲周圍去>>唔去嘥咗張車飛嘛.

    回覆刪除
  12. 個火車站好有時代感呀

    覆左你email,睇下啦
    [版主回覆02/05/2012 03:24:50]型

    回覆刪除
  13. 隻杯好靚。
    [版主回覆02/05/2012 03:25:19]如果有得揀仲好

    回覆刪除
  14. 咦你今次去洗間錢都唔少喎 .
    [版主回覆02/05/2012 03:26:03]平時我會搵d唔使錢架.

    回覆刪除
  15. oh!tria:我都有去過布魯日,你深入好多(洗手間),嘻!無乜事麻?多啲休息飲多啲水呀!早日痊癒。Diy
    [版主回覆02/05/2012 03:28:12]係過年前架喇,e+冇事lu. btw呢度係列日Liège

    回覆刪除
  16. 呢兩日我都咳到CC下,大家都要保重呀!
    [版主回覆02/05/2012 03:29:08]保重

    回覆刪除
  17. 火車站好大,地圖好清楚,甜品好正呀!
    [版主回覆02/05/2012 03:29:54]型

    回覆刪除
  18. 你而家冇事嘛!?天氣咁凍,要注意保暖!
    [版主回覆02/05/2012 03:29:25]過年前架喇,e+冇事lu.

    回覆刪除
  19. 保重呀! 開正你果辨喎....係咪Bart杯送哂.....唔見嘅? 不過Lisa都幾得意^^
    [版主回覆02/05/2012 03:32:05]係囉,唔見有Bart.

    回覆刪除
  20. 個杯三角形好得意
    [版主回覆02/06/2012 03:24:23]少有

    回覆刪除
  21. Cakes looks soooooooooooooooooooo delicious !!! why eat waffle ar..
    [版主回覆02/06/2012 03:25:12]係啦,真係蠢咗.

    回覆刪除
  22. 又多一件心頭愛...
    [版主回覆02/06/2012 03:25:25]開心C.

    回覆刪除
  23. 為左"閃神"贈品..痾都仲要食薯條漢堡飽..haaa~細路仔咁架你!
    [版主回覆02/07/2012 01:04:37]痾清佢冇事架啦, 唔怕.

    回覆刪除
  24. 有好多朋友都係又痾又出冷汗呀, d病菌咁犀利連歐洲都有..

    三角型杯好cute, 唔知飲水時, d水會唔會喺咀角流出嚟呢!!!???
    [版主回覆02/07/2012 01:07:11]一定要o係隻角飲

    回覆刪除
  25. 你肚痛都飲凍飲,不怕肚瀉得更厲害?
    [版主回覆02/07/2012 01:07:46]又唔怕喎. 哈哈.

    回覆刪除
  26. 隻杯應該係最大收穫嘞啩.
    [版主回覆02/07/2012 01:08:22]開心C

    回覆刪除
  27. 我都打敗仗, 病咗幾日, 仲久不久發燒. 大家保重!
    [xxl回覆02/07/2012 08:50:07]多謝! 今朝好好多. 有心啦!
    [版主回覆02/07/2012 01:08:34]Get well soon.

    回覆刪除

入咗嚟,不如寫幾隻字,留個言啦.