2014年3月30日星期日

津貼養仔

時時都聽到話政府()叫人生仔,但係冇支援. 呢邊如果你生仔,係有養仔津貼. 今年仲會加錢添.
兩歲以下每人每月有109.7. 39歲每人每月117.3. 1018136.2. 19歲以上 158.9. 19歲以上嗰啲好似係去到讀完大學or27(因為有人會讀嚟讀去都未大學畢業).

有呢個福利我見本地人都唔係生好多. 見過一拖四or五嗰啲都係似移民.

46 則留言:

  1. 養仔,除了要錢,心血都要唔少!

    回覆刪除
  2. 因為有人會讀嚟讀去都未大學畢業>> 呢度都係, 有D成30歲都未做過野架

    回覆刪除
  3. 一拖四or五嗰啲都係似移民>>我哋度都係,同埋係回教徒

    回覆刪除
  4. 旨意香港政府餓死得啦
    星加坡都資助3個,澳洲之前都幾好,但依家冇助咁多了.

    回覆刪除
  5. 不過你地果邊係唔係高稅率先???

    回覆刪除
  6. 香港有子女免稅額呀,你嗰邊除咗養仔津貼,有無子女免稅額?
    我呢邊都有子女免稅額,而養仔津貼係有入息限制,只為低收入家庭而設。
    諷刺嘅係低收入低學歷嘅反而生得多,我諗度都都係咁。

    回覆刪除
    回覆
    1. 子女免稅額冇架. 一出糧已經扣起保險同稅,冇問你有幾多個子女的.

      刪除
  7. 津貼有冇入息限制架?

    回覆刪除
  8. 一拖四or五嗰啲都係似移民.........咁王子咪?!!......XXXD

    回覆刪除
  9. 香港就算有都唔咁再生! 養兩個都勞碌了大半生.

    回覆刪除
  10. 我呢度只要你係單親母親,政府就會幫你養,醫保全包,生得幾個,夠哂錢住大屋,揸靚車添,講起都嬲。

    回覆刪除
  11. 去到讀完大學or到27歲====>@@

    回覆刪除
  12. 呢邊一次過俾幾千蚊, 我覺得你嗰邊加埋會俾得仲多, 十九歲以上都有錢收喎,我攞嗰幾千蚊都唔夠交學費到幼稚園畢業。

    回覆刪除
  13. 我呢度唔少得過你個邊, 平均有$100一個星期㗎, 真唔少嘢......

    回覆刪除
  14. 英國大把本地人都係依靠津貼養仔㗎!

    回覆刪除
  15. 你個度物價咁高,百零歐都唔襟洗啦!

    回覆刪除
  16. 讀來讀去都畢唔到業既我見唔少!

    以前澳洲D福利都好好咖, 不過呢幾年越來越衰

    珮夫人

    回覆刪除
  17. 哎呀,就算有津貼我都唔想生:p

    回覆刪除
  18. 津貼係咪咁有吸引力呢 ?!

    回覆刪除
  19. 有津貼對本土人都無乜吸引 , 嘥咗政府d 心機 lu .

    回覆刪除
  20. 有辣有唔辣,你地稅率高呢

    回覆刪除
  21. 津貼都係其一,仲有好多嘢配合至得,生活同工作平𧗽同教育都緊要

    回覆刪除

入咗嚟,不如寫幾隻字,留個言啦.