2015年6月11日星期四

蒜蓉番茄湯

士多啤梨我有個食法係配mozzarella芝士同basil. 剩咗啲芝士整乜好呢?見呢個蒜蓉番茄湯食譜啱晒。

1.5kg 番茄切開一半,一個洋蔥切粒,三至五瓣蒜頭,兩至三塊月桂葉放入焗爐焗佢一個鐘。
夾起月桂葉後,所有連汁倒入500ml至600ml菜湯中,加兩湯匙 茄膏, 煮兩分鐘後打蓉隔渣。食得。
食時加入芝士同parsley pesto.
我有一樽basil pesto咁我冇自家制parsley味喇。
上碟後先發現未準備相機,到影相時啲芝士都開始熔。有啲out focus feel咁. 而我嘅pesto好似一篤C咁,賣相扣晒分.

35 則留言:

  1. 士多啤梨你試下點Balsamic glaze with black pepper, 超正.

    回覆刪除
    回覆
    1. 配mozzarella同basil我都有加Balsamic架. 真係正到冇朋友。

      刪除
  2. 呢個濃湯唔應該咁稀喎?偷工減料。

    回覆刪除
    回覆
    1. 今次你眼利喎.我比食譜少100g番茄。

      刪除
  3. 你呢個係咪植入廣告先?我見到三叔(三星)喎
    你d後宮佳麗見到三叔溶咗,嚇到花容失色

    回覆刪除
    回覆
    1. 真係好想像力.
      花容失色係因為篤C. 哈哈.

      刪除
  4. 你啲mozzarella芝士係咪新鮮㗎?
    新鮮嘅mozzarella + 番茄 + basil = 經典嘅組合
    如果唔想開火煮,可以整沙律,google "mozzarella tomato salad"睇圖片,只需將啲材料切片排列好係隻碟度,洒啲鹽,胡椒粉,橄欖油,唔使五分鐘就食得啦 :D
    btw,之前睇過篇blog話你度啲芝士平過我度好多,我度一磅(約450g)新鮮嘅mozzarella都要$6,篇文話你度一歐就有啦喎 :p

    回覆刪除
    回覆
    1. 新鮮㗎. btw乜有唔新鮮o既mozzarella架咩?
      經典組合我咪就係用咗士多啤梨代替番茄囉.所以剩咗啲芝士想用第啲食法。
      我唔記得我啲係幾錢. 但一定冇你啲咁貴。

      刪除
    2. 有㗎,新鮮嘅係白雪雪,圓碌碌,淋嘅,濕嘅
      唔新鮮嘅係有小小黃,硬嘅,乾嘅,通常係真空包裝一舊磚頭咁,又有啲一片片獨立包裝比你用嚟夾麵包

      刪除
    3. 你講嘅似係scamorza喎. 我e+先知原來即係煙過嘅mozzarella.

      刪除
    4. TT,你好!我想在你回應中加上兩句,你所說的芝士雖然同名,其實兩種都有不同的食法,有水浸住的…香港是叫「水牛芝士」,是用於沙律上,是用黑醋蘸的,另外乾身的,那多會在意粉,薄餅焗面時使用……

      刪除
    5. 薄餅焗面時使用...又好似係喎,o個d都係mozzarella

      刪除
    6. Hello Siu Siu,無錯,兩種唔同食法,沙律用新鮮嘅,意粉pizza就睇各人喜好喇,網上有投票問人鍾意放新鮮嘅定乾嘅mozzarella落pizza度,投票結果係兩樣都有擁躉,要睇吓邊種pizza而定,有啲人話兩種都會落喎

      >> 你講嘅似係scamorza喎. 我e+先知原來即係煙過嘅mozzarella.
      查咗資料,scamorza 同mozzarella 係好相似但唔係同一樣野囉
      話時話,之前睇到篇文講超市最多人偷嘅貨物係乜,原來係芝士! 有人留言話梗係啦,有啲細細舊嘅芝士都可以賣到十幾廿蚊
      我諗唔會發生係你度囉,因你度啲芝士咁平 :p

      刪除
    7. 留言又被失蹤 :((

      刪除
    8. TT,你的留言雖被失蹤,但都好過我…
      在早一個星期前我所有日誌的圖片都顯示不到,我要將每個日誌照片從新上載呢,你話係唔係仲煩,而你所講的留言不見,我之前已有數次這樣的經歷!

      刪除
    9. TT, 以下是從電郵收到你的留言。
      或者也會失蹤都未定喔!

      Hello Siu Siu,無錯,兩種唔同食法,沙律用新鮮嘅,意粉pizza就睇各人喜好喇,網上有投票問人鍾意放新鮮嘅定乾嘅mozzarella落pizza度,投票結果係兩樣都有擁躉,要睇吓邊種pizza而定,有啲人話兩種都會落喎

      >> 你講嘅似係scamorza喎. 我e+先知原來即係煙過嘅mozzarella.
      查咗資料,scamorza 同mozzarella 係好相似但唔係同一樣野囉
      話時話,之前睇到篇文講超市最多人偷嘅貨物係乜,原來係芝士! 有人留言話梗係啦,有啲細細舊嘅芝士都可以賣到十幾廿蚊
      我諗唔會發生係你度囉,因你度啲芝士咁平 :p

      刪除
    10. 睇邊一d種類啦.唔係全部都平。

      刪除
  5. 啲芝士點解似星星嘅?就好似張國旗咁!

    回覆刪除
    回覆
    1. 我呢啲貪玩,芝士切片後再用cookie模cut個型。

      刪除
  6. 回覆
    1. 我老人家可能好快會出現手震都未定

      刪除
    2. 咁要食多D蕃茄,對老人家身體好kakakakaka....

      刪除
  7. 好有心機喎,豬屎整到星星形咁~

    回覆刪除
  8. 蕃茄, Basil 同 mozzarella, 基本上配乜都好食 !

    回覆刪除

入咗嚟,不如寫幾隻字,留個言啦.