2015年7月28日星期二

主題之旅Braunau

7月12中午到咗奧地利嘅Braunau.

因公,喺呢度會有專業導遊帶領。
資料介紹係幾年前先有.
依家先知呢啲唔係支撐棟建築物用,原來係用嚟擋風。
Torturm
有呢個唔光彩嘅景點...希特拉出生嘅屋。
為咗唔想呢度成為同納粹有關嘅活動地點。呢棟樓由有關政府部門租咗再凋空。
喺門口就放咗紀念二次大戰死難者嘅紀念碑。舊石係奧地利一個集中營嚟嘅。
Rathaus. (Town Hall)
猜下門口嘅細門(中間位置)有乜用?? 當然唔係pet door啦,咁高點入呢!
Vorderbad Braunau - Historische Badestube中世紀浴場。呢邊係富貴人家用.
綠色呢邊係平民用.
富貴人家呢邊依家係博物館
浴場情景
呢個就係上圖中間嘅煲水位.
呢個係上圖右邊似係焗桑拿嘅位
去水渠
介紹浴場有乜員工.
浴場仲提供療程。有放血,又有....
拔罐。依家先知唔係中國獨有.
罐仔.
Kirche St Stephan
Hans Staininger墓碑.  佢係Braunau嘅鎮長。佢出名係佢長長嘅鬍鬚。又因為長長嘅鬍鬚,喺1567年佢踩錯腳落啲鬍鬚度仆親C咗. 佢嘅鬍鬚依家收藏喺鎮內一間博物館。可惜冇時間去睇.
Kirche St Stephan塔頂影嘅Stadtplatz


對面河就係德國。
呢晚去咗旅遊局推介去嘅一間鎮郊餐廳。有自家釀啤酒. 
啤酒係就係好飲,但係唔夠員工,服務好差,食物又唔覺好食。我唔會推介。
第二日朝早繼續參觀。
Heimathaus
呢度以前係造鐘嘅(教堂嗰啲呢!)。依家都冇人用啦,梗係執咗.
鐘身嘅花紋模

間屋其他地方做咗鄉村博物館。
上面要大家估嘅嘢開估喇。個門口仔係施捨食物畀乞兒時用㗎,咁你咪唔使開大門囉.
飯廳又有嘢估.
飯枱上吊咗個玻璃球,又有乜用呢?
.................................................
...............................
..................
........
下面放一大兜熱湯時蒸汽喺上面凝結成水珠再滴番落湯度.咁間屋咪冇咁多蒸汽囉.
飯廳仲個雞籠。
地下呢個又係乜呢?? 
捕鼠器嚟㗎。中間嘅實木會用木枝撐起。。。
磚地板有一條木板路。又乜原因??
係因為太黑時(冇電年代),對腳可以feel到門口喺邊. 即係好似依家嘅盲人扶助線咁.
天氣報告公仔. 個頭係會擰。
原理係中間有條濕嘅繩吊住個頭,天氣乾燥時就會擰動到個頭。講完唔知大家知唔知我噏乜呢?


下面幅畫左邊嘅係科隆大教堂。因為教堂好高,唔夠位畫。。。
博物館導賞員又帶我哋去佢屋企睇吓佢個幾百年嘅廚房。
又介紹佢個古董燒烤架。上咗鍊(繩)會自轉。再調較扇葉去控制轉速。

48 則留言:

  1. 講開專業導賞,最近FACEBOOK有熱話,比條LINK你睇睇見識下強國人既利害。 https://www.facebook.com/profile.php?id=100001841020531

    回覆刪除
    回覆
    1. 專業導賞係咪台灣人嚟㗎?好似未出過國咁嘅佢??

      刪除
    2. 未出過國?何解?

      刪除
    3. 見佢自拍咋. 領隊我估都見到悶啦.

      刪除
  2. 下門口嘅細門(中間位置)有乜用>> 唔通出黎收信? 以前舊屋村都係係度門開個口, 用黎收信 ^^

    回覆刪除
  3. 係歷史真相, 都無需去刻意掩蓋.盞徒勞.
    有d古老修道院門口都有個小窗口,俾人買修女做既糕餅時, 放錢入小窗, 同時係窗度傳出糕餅, 整個過程修女係完全唔露面.
    中世紀奪去歐洲數百萬生命既黑死病, 當時已用到中醫好多醫術, 其中就包括放血, 拔罐等.
    一煲湯既蒸氣上左玻璃球再滴返落湯度, 飲左好補XXD
    導賞員竟然帶你地返屋企, 用個古老董烤架烤隻豬你地食嘛.

    回覆刪除
    回覆
    1. 我又未見過呢d古老修道院呢.
      你唔見佢係烤空氣咩?

      刪除
  4. 來到德國, 我才知道國民對希特拉這名詞很避忌, 絕不談論, 避免麻煩.

    回覆刪除
    回覆
    1. 希特拉呢個topic真係要好小心處理。

      刪除
  5. 中醫醫術不知何時傳了過去?

    回覆刪除
  6. 個窗口開唔得?係有錢佬屋企?冇後門?叫僕人去施捨嘛!
    鬍鬚殺人事件係真架?似作故仔

    回覆刪除
    回覆
    1. 乞兒嚟到門口又唔想佢望到入面嘛.
      我估真卦。博物館都keep佢啲鬚

      刪除
    2. 個開口都睇到啦! 中國家居風水冇傳過去咪,開門直冲唔吉利,喺玄關有屏風擋住,等人睇唔倒個大廳嘛。

      刪除
    3. 可能一早傳咗過嚟。奧地利啲屋開門唔見大廳架. 但有仲差嘅風水佈局,啲單位好多都開門見廁所架.

      刪除
    4. 見厠所!!!好重氣味。

      刪除
  7. Kirche St Stephan塔頂,要唔要入場費?

    回覆刪除
    回覆
    1. 平時要join tour先可以上. 唔知幾錢,冇問.

      刪除
  8. 我都估係收信用,原來係用作施捨食物!

    回覆刪除
  9. 似前個個都係浴場沖涼,咪好唔衛生囉

    回覆刪除
  10. 第4張條路咁窄,使乜擋風呢?
    門口嘅細門我係估用嚟收信或比送外賣仔放低啲食物,咁我都啱咗一半啦,同食物有關嘛 :p
    介紹浴場有乜員工嗰張,右邊條友揸住把刀嘅?鮮肉分割員?負責將碌光豬嘅人鮮肉分割? :))
    拔罐有中式同阿拉伯式,你呢個應該係阿拉伯式,中式嗰啲你應該見過啦,用火燒個罐,叫dry cupping,而阿拉伯式叫Hijama,因會放血所以又叫wet cupping,我未做過中式但反而做過阿拉伯式,醫師會喺背脊劃刀痕,個罐仔會將血從刀痕吸出嚟,去yt搵Hijama會有片睇
    水珠再滴番落湯度,你飲埋我份喇 :p
    嗰個應該係濕度報告公仔,唔係天氣報告公仔喎 :D

    回覆刪除
    回覆
    1. 嗰個位真係特別大風㗎。
      嗰個年代又邊有送外賣呀!!
      剃毛架佢.
      將血從刀痕吸出嚟咁恐怖,仲要我搵video睇. 我冇咁重口味喎.
      煲蓋啲倒汗水都係咁飲啦.

      刪除
    2. 有幾恐怖呀?你從來都唔睇血腥恐怖片咩?
      煲蓋始終都係乾淨過個日夜吊喺天花嘅玻璃球嘛,唔知個玻璃球有無洗 :p

      刪除
    3. 血腥恐怖片假㗎嘛.
      開餐前抺吓個玻璃球囉.

      刪除
  11. 介紹浴場有乜員工.....咁拎把刀嗰位員工是什麼工作??

    回覆刪除
  12. 好驚喎放血~~~~@@
    細個時睇明珠台播過波蘭斯基果套《天師捉妖》The Fearless Vampire Killers,所以知道歐洲人好早已經有拔罐!!!
    我都以為係用來收信....
    個玻璃球用來滴倒汗水,滴落返湯度你敢唔敢飲?!!XXD

    回覆刪除
    回覆
    1. 電影嘅o野你信㗎?
      收信唔使咁秘密喎.
      煲蓋啲倒汗水都係咁飲啦.

      刪除
    2. 咁洗完碗碟擺係度都有塵喇!掛條毛巾都有塵喇!你企係度都有塵喇卦!

      刪除
  13. 施捨食物畀乞兒時用嘅門有心思

    回覆刪除
  14. 窗口仔我仲以為係應門之用 .
    鬍鬚長到令主人自己踩到跌 C ? 係咪真0架 , 好搞笑 .

    回覆刪除
    回覆
    1. 應門唔使咁大個口啦.
      入咗博物館都唔假得晒。

      刪除
  15. 成日因工都no pay,羨慕死人!
    德國就係有這總悔過之心,能成為各國專重及歐盟領袖之一,而日本就成日攪攪震,為恐天下不亂⋯

    回覆刪除

入咗嚟,不如寫幾隻字,留個言啦.