2015年8月16日星期日

大長征時買咗乜

未出新遊記前講吓上次大長征時買咗乜啦.
荷蘭超市>>火腿味薯片冇火腿味. 西人超市居然有淘X豆豉醬。睇食譜知荷蘭人都有Grünkohl-Wurst, 見呢pack煮Grünkohl-Wurst嘅腸,睇吓係乜味先. 味道同德國食嘅一樣味,只係荷蘭呢種腸鞋啲。右邊兩盒係灑上麵包食嘅糖粒. Minions嗰盒未開, 唔知係咪有Minions形狀粒粒喺入面。

喺Utrecht時特登去我幫襯開嘅連鎖中超入貨,但係呢間分店好細,好多貨都冇.新嘢買咗黑豆奶。冇特別嘅,又貴過普通嗰啲,冇下次.

荷蘭每個月都有Miffy郵票出, 好想買。但係發現佢好似冇集郵中心,連郵局都冇,outsource晒。上網買就冇乜紀念價值啦, 放棄買郵票㗎喇。點知無意中見到有郵政服務嘅雜誌舖,問吓佢有冇啲乜特別郵票,佢只有呢款,照殺啦.
喺德國我會喺Cologne買晒我要買嘅嘢,因為比較熟路。
郵票一早寫低要買邊啲。但係counter唔知邊個打邊個. 原來佢哋係跟銀碼去file. 我睇住佢搵.仲要玩我記憶添。我話佢知呢個喺呢度,嗰個喺嗰度. 排我後面個阿伯都話佢哋要請我做助手先得。
喺英超見利XX半價。佢係嗰個月到期,心諗糖漿過期食唔C人啫,即買。 
原來減價貨係會沖昏頭腦,佢雞乸咁大隻字寫咗no added sugar都冇睇吓佢係乜嘢成份. 一飲中伏! 係我最怕嘅代糖味.
威風模搵咗好耐終於喺一間亞超有,價錢唔太貴。但係我未有時間玩吓.
喺K字頭超市見有新奇飲品 又試吓.左邊嘅土耳其汽水即係cream soda,太耐冇飲呢個味喇,大滿足。右邊嘅巴西飲品,味道怪怪, 試過就算。
幾年前喺香港買嘅Monopoly Deal 終於見有.佢係買三pack紫色乳牛曲奇嘅贈品.
喺Salzburg時順便去有集郵服務嘅郵局。

64 則留言:

  1. 收穫豐富!
    維記有黑荳奶,我依加先知添!(慚愧!)

    回覆刪除
    回覆
    1. 黑荳奶好耐啦...不過香港少D貨, 大陸多好多

      刪除
    2. 睇blog知出咗一段時間,可能唔多人買。

      刪除
  2. Minions果盒係佢地既形狀粒粒, 食麵包要撒又紅又黃色素, 你唔好再低低地d
    利xx全部防腐劑, 依家仲飲呢d野, 你當自己入院呀XXD.
    呢個戚芳模,唔搽返好似豬油膏咁厚既牛油, 你都唔使旨意甩到.
    今日睇左 "特務型戰The Man from U.N.C.L.E."裡面有你篇Berlin 2介紹既古老廁所取景.

    回覆刪除
    回覆
    1. 貴婦食嘅法式甜點都好colorful啦. 咁先有貴格。
      防腐劑先好,保持童顏呀!
      玩過先知.
      你咁都認到咁勁?

      刪除
    2. 乜係唔知D貴婦都係扮既咩XXD

      刪除
    3. 我知,毛豆呢類闊太唔使扮貴婦

      刪除
    4. 幾時都唔夠你香港腳王子咁勁啦

      刪除
    5. 我食咁多色素,貴氣過人啦.

      刪除
  3. Ribena no added sugar 我仲以為天然, 落代糖有冇攪錯? 英超仲有乜特產要買?

    回覆刪除
    回覆
    1. 我多數係買西多糖漿同滴露。維也納間英超未必有貨。

      刪除
  4. 香港好似冇這牌子的黑豆奶喎 , 它的味同普通豆奶有咩唔同呢 ?

    回覆刪除
  5. 收穫好豐富呢!
    利賓納, 我已經N年無飲過, 即使有人話凍檸賓好飲

    回覆刪除
    回覆
    1. 利賓納我o係HK時時不時都買嚟飲㗎。但係凍檸賓我又未試過喎.

      刪除
  6. 飲品........郵票.....和......飲品........郵票
    見到維記奶茶買唔買?^^

    回覆刪除
    回覆
    1. 我嘅shopping係呢啲㗎咋.
      要考慮吓.

      刪除
  7. 你買左咁多郵票,我今次旅行一張都冇買。

    回覆刪除
  8. 我冇飲利賓納㗎,黑豆奶都唔覺香港有!

    回覆刪除
  9. 買三pack紫色乳牛曲奇嘅贈品>>呢個deal抵喎

    回覆刪除
  10. 唔自己整新鮮豆漿,有營養過豆奶好多,仲好香豆味添,自己又可以控制落糖,好多纖維素嘅豆腐渣又可以用番黎整其它野食。

    回覆刪除
  11. 我呢度唔見有黑豆奶賣

    回覆刪除
  12. 豆奶,自己整仲好飲。

    回覆刪除
  13. 點解上網買郵票就無乜紀念價值呢?郵局買或上網買,個郵票咪都係一樣?
    排你後面個阿伯好攪笑呀,咁個職員有無奇怪點解你咁孰啲野放喺邊嘅?:))
    利X納又高糖又防腐劑又色素,都唔明點解會係探病必備嘅,不過我記得細個時鍾意飲葡X適多啲:p

    回覆刪除
    回覆
    1. 係自己嘅紀念性。睇番時可以回憶吓呢個我喺邊 度買,嗰個又喺邊買.
      職員只係話有我呢啲客真好.
      葡X適咪又係色素!! btw我唔多like飲架.

      刪除
  14. 黑豆奶既維他奶?反而係香港未見過喎

    回覆刪除
  15. 係啦!!!豆漿自己整仲好...
    啱啱過去的周末先整過黑豆漿飲~~~

    回覆刪除
  16. 嘩嘩嘩~~王子, D郵票好靚!!
    令我諗起-- 自己好耐無留意郵票(!!) >.<

    回覆刪除
    回覆
    1. e+我去一個地方都search吓有乜郵票買。

      刪除
  17. 我都係覺得黑豆奶嘅味道冇特別,都唔知係黑豆做嘅。

    回覆刪除
  18. 灑上麵包食嘅糖粒===>聽到都覺得肥><
    王子集郵勁過我XXXD我都鍾意外遊時買D郵票,好似多一重紀念價值....
    你搞咁鬼耐阿伯無黑面,要畀個like佢啦^^
    幾時又再出征?

    回覆刪除
    回覆
    1. 仲要係搽咗牛油先灑上去.
      郵票呢個紀念品唔使要好多位擺。

      刪除
  19. 我都未見過黑豆漿呀, 不過你話唔好飲, 即刻見到都唔使買黎試...哈哈!!
    你好鍾意郵票咁WO, 買左咁多~

    回覆刪除
    回覆
    1. 如果見有都要考慮吓.
      我鍾意集郵架.

      刪除
  20. 黑豆奶. Not aware of this drink in HK.

    回覆刪除
    回覆
    1. 睇blog知出咗一段時間,可能唔多人買

      刪除
  21. 以前我也常買維記飲品,後來加了價就轉試其它牌子(但一定不是大陸的),其實除了乜乜奶…也差不多咋!

    回覆刪除
  22. 藍色個隻利賓納唔好飲,係無糖,都係原味先好飲。
    你收鑊好豐富,白盒維他奶我係鬼佬超巿都買到兩鎊有六盒,但盒裝飲品無益我都唔會買。另外郵票都好吸引,下次出郵我都要買。

    回覆刪除
    回覆
    1. 對我嚟講no added sugar多數唔係好o野.
      鬼佬超巿都都有維他奶咁好??
      你有冇集郵架?

      刪除
  23. 火腿薯片無火腿味? 咁似食神d對白嘅!哈哈~
    咁豆奶有豆味嗎?

    回覆刪除
    回覆
    1. 我係廚神,講啲o野都係差唔多啦.

      刪除
  24. 王子,咁耐無黎探你,一來就見到食物....啱我呀!︿︿
    我今次出門買到烟肉味薯片喎,OK喎,有烟肉味喎,都見到有火腿味既,無買來試呀!
    黑豆奶??我在香港未見過既???可能我只鍾情低糖麥精,每次也只留意此樣,無留意其他味道,下次要留意買來試下先。^^

    回覆刪除
    回覆
    1. 薯片係咪呢個牌子呢?
      黑豆奶如果見有都要考慮吓.

      刪除
  25. 我終於見過係中超嘅戚風模喇.
    我前天係荷蘭中超買了陽光豆豉粒, 剛到期了, 但照買, 無辦法啦, 想煮蒜蓉豆豉麻, 而且陽光牌豆豉最靚架, 可能依家過左期, 唔靚, 壞添...哈哈.

    回覆刪除
    回覆
    1. 你度冇豆豉??
      btw你去荷蘭邊度&邊間入貨架?

      刪除
    2. 在科隆去左一間, 唔覺有原粒豆豉.
      沒有指定一間. 剛入荷蘭境, 就是Roermond, 夠方便, 那裡有outlet, 食肆, 旅遊區, 中超. 今次去了Happy Superstore, 剛見有陽光豆豉, 所以買埋.

      刪除
    3. Google咗Roermond,幾靚咁喎. 下次去.

      刪除
  26. 我都買咗威風模但試過一次之後到而家都冇再用過,因為上次失敗咗

    回覆刪除

入咗嚟,不如寫幾隻字,留個言啦.