2016年9月19日星期一

Erntedankfest

因為國會臨時搬咗去皇宮嘅英雄廣場,今年嘅Erntedankfest就要另覓地方搞。
地點喺Ausgarten公園. 相中咁核突嘅建築物係二次大戰時德軍起嘅防空要塞。






星期日(9月11)我先嚟係因為想睇巡遊。







砂糖係由呢種東東提煉嘅。

呢度傳統(但唔衛生)嘅賣小杯烈酒方法。飲完個杯仔只用塊布抺乾,就到下位用.
巡遊開始
明明我企第一行,有個老女人好冇品,遲嚟居然企我前面。仲要有乜派都畀佢截晒。















今年唔知巡遊個終點係邊,所以冇去攞花車啲蔬菜。
巡遊隊伍今年明顯少咗好多.但係呢個地點幾好,多樹陰又有位坐。仲有係巡遊時唔使封馬路。

26 則留言:

  1. 蕃茄、西椒,看來幾新鮮!

    回覆刪除
  2. 果d叫甜菜
    對住d恃老賣老嘅你真係冇佢符

    回覆刪除
    回覆
    1. google甜菜大多show紅菜頭喎.
      係囉,佢又唔係遮住你睇喎.

      刪除
  3. 有個老女人...哈哈,乜唔係阿婆咩?

    回覆刪除
    回覆
    1. 哈哈.對啲阿婆不滿時我會稱呼佢老女人.

      刪除
  4. 我參觀過糖廠, 我記得個種東東呻 betterave sucrière, 睇番英文叫 sugar beet

    回覆刪除
  5. 如果玩完可以任攞D蔬菜都幾好,環保不浪費。

    回覆刪除
  6. 老女人啲行為每逢巡遊都有㗎,好衰架囉,想要好位又唔早啲嚟霸位,我實鬧佢㗎

    回覆刪除
  7. 秋收節有冇秋收歌同舞架?
    阿婆見王子身光頸靚都唔會貪呢啲小便宜。

    回覆刪除
    回覆
    1. 秋收唔覺有特別嘅歌舞.
      一睇就知我係乞丐王子啦,仲要同我爭。

      刪除
  8. 仲乜唔事先查清楚巡遊個終點係邊?有得免費攞花車啲蔬菜都唔查清楚,唔似你風格噃 :p
    傳統(但唔衛生)嘅賣小杯烈酒方法 <-- 咁多唔多人幫襯?

    回覆刪除
    回覆
    1. 資料冇講終點係邊.下次知碇一定卜去嗰度啦.
      又唔係話多,我眼見有兩位幫襯。

      刪除
  9. 見啲群眾都幾友善,見你影相都同你say晒Hi!!!

    回覆刪除
  10. 成條街咁長,你企過第二度囉,揀個靚女隔籬企仲好kakaka...

    回覆刪除
    回覆
    1. 企過第度,有教養嘅就要企喺人後面,咁就影唔到相.

      刪除
  11. 今次冇收獲呀?糖都冇粒?

    回覆刪除
  12. 蔬菜花車亂糟糟,係橙色T恤果架整齊

    回覆刪除

入咗嚟,不如寫幾隻字,留個言啦.