2017年5月3日星期三

無良業主

早早前睇報紙知道有一間舖頭嘅地下冧咗. 某日咁啱經過佢門口. 門口嘅報紙講原來係無良業主所為。

首先簡單講吓奧地利嘅租約。法例規定租約有兩種。一種係要續約,業主可以話唔續, 如續約後租金可能會調整。一種係永久租約,業主係唔可以加租,唔可以話唔再租趕人走的。
業主想吸引人租就會用後者。而租客,特別係做生意嘅, 都prefer揀後者。你知啦,你唔想裝修咗業主話唔再租嘛.
以上個苦主就係呢種約。業主想攞番個位自己用,但係又唔可以趕人走喎.咁咪用陰招啦.
苦主話地下未冧時都已時不時地牢都有工程騷擾。呢次就過份咗,成個冧埋。

35 則留言:

  1. 冇得做生意,冇錢交租,迫住要搬走。
    咁陰毒……要咒業主生仔冇pat pat。

    回覆刪除
    回覆
    1. 咁佢咪用陰招等你做唔到生意囉.

      刪除
  2. 我相信這世界會有有良心的業主,但不多!

    回覆刪除
  3. 永久即係話個業主點都唔可以收返鋪?咁都好唔合理啦!

    回覆刪除
    回覆
    1. 佢定時有租交唔可以收返個鋪架.

      刪除
  4. 永久租約真係好難,自己想用都唔可以。

    回覆刪除
  5. 如果係死約,物業都會較難賣的!
    其實可設上限租金加幅,大家便各取所需啦。

    回覆刪除
    回覆
    1. 可能要保險租客先有啲咁嘅例。

      刪除
  6. 最初睇完全唔明咩叫做「個地下冧咗」??睇真才知原來有basement@@
    HK我諗一定唔會有喱種永久約囉

    回覆刪除
    回覆
    1. 呢種永久約如果HK實行啲業主一定同你死過.

      刪除
  7. 好慘喎咁...咁賤架呢D業主!

    回覆刪除
  8. 永久租約,業主唔可以話唔再租趕人走,但租客係咪都係要永遠租落去,唔可以走?
    個地牢唔係一齊租埋比苦主咩?
    佢哋喺地牢攪啲咩工程可以整冧成個天花(即苦主嘅地下)咁誇張?
    又會咁易整得冧嘅?豆腐渣咩?

    回覆刪除
    回覆
    1. 地下冧時,無人喺舖頭同地牢?無人受傷?

      刪除
    2. 租客可以走架.但係多數都唔走啦.因為租唔會加. 我以前有個老鄰居,佢只係交幾十歐租㗎咋.你走咗去邊度搵.
      地牢呢度通常係分咗畀各戶儲物用.
      苦主返嚟開舖先知冧咗.係乜工程就唔知喇。

      刪除
    3. 交幾十歐租,好平喎!但都要睇間舖有幾大,地區旺唔旺
      我估唔會加租嘅舖頭多數只係啲唔旺嘅地區掛?

      刪除
    4. 幾十歐租我講嘅係住宅。但係舖我估唔旺地區都有嘅。

      刪除
    5. 嘩!!!住宅只係幾十歐?咁你個老鄰居應該係幾十年前已經開始租嗰度
      咁你而家住嗰度係咪唔會加租?如果唔係,點解唔去揾啲永久租約嘅住宅?

      刪除
    6. 住咗好耐㗎喇佢.
      都算永久租約,但係租金會同生活指數調整。

      刪除
    7. 咁即係你唔使續約都可以租落去?
      咁你個老鄰居嘅租金連生活指數調整都唔使?租金永遠不變?點解你唔去搵呢啲屋嚟租?

      刪除
    8. Yes,唔使續約.
      租金永遠不變嗰種冇乜㗎喇,好難搵.

      刪除
  9. 好賤格啫. 咁依家苦主可以點做呀?

    回覆刪除
  10. 無計,不論租客或業主,想囉返間屋或唔租,都會不擇手段

    回覆刪除
  11. 永久租約好似對業主唔太公平喎 .

    回覆刪除

入咗嚟,不如寫幾隻字,留個言啦.