Liechtensteinklamm 列支敦士登峽谷

9月2 呢朝天氣好轉，臨返維也納之前去行吓Liechtensteinklamm呢個列支敦士登峽谷 (唔係喺小國列支敦士登呀!)。

平日呢度都好多遊客，停車場目測主要係德國人。喺最遠嘅停車場行到售票處要廿幾分鐘。

呢度都好遊客區feel，有幾檔賣紀念品。

由售票處開始規定要戴口罩。

入場費十歐。話係用嚟維修啲設施，保障旅客安全。

講吓Liechtensteinklamm個名嘅由來先。列支敦士登呢個貴族喺1875年捐錢起咗啲棧道，所以峽谷就用佢個名嚟命名嘞。

好多有機會有大石滾落嘅地方都有鐵絲網圍住。

註＞今年奧地利就有同類型嘅峽谷因為有大石滾落，擊中啲棧道，有幾個遊客跌咗落河C咗。

去咗侏羅紀公園似的。

行呢條攞命梯，我要除口罩唞氣。

註＞回程嘅人迎面而嚟，完全冇社交距離, 好多人都露出個鼻唞氣 。盡可能我都戴住個罩。

 

 

 

落去谷底。

 

呢段係最濕嘅。 啲水係咁流落嚟，好似落雨咁。

 

澎湃嘅河水。

 

 

 

 

 部份嘅棧道可以見到底。

大瀑布。 亦係路線嘅終點。

瀑布正面有枱椅畀人休息。但係人多，都係快快走回頭路。

 

官網話來回要個半鐘。

我冇停低過，應該只係用咗一個鐘行完。

 

 

喺出口附近食咗個遊客價嘅lunch，份量縮水。唔抵。

食完lunch，見開始烏雲密佈。所以決定直接返維也納。