置之不理

 屋企附近一間獨立屋對出嘅行人路旁，種咗打理得幾好嘅玫瑰（我估）同棟咗個郵筒。

但係嗰度只係嗰個位種咗，應該係私人種個喎。咁呢個係咪私人草地呢?

郵筒唔似裝飾品。因為間屋唔見有郵箱可以畀郵差派信。應該真係用嚟收私人信件。

於是寫信去我嗰區嘅市政署查詢（其實係投訴）。佢只係轉介咗我去唔同嘅部門。

我嘅調查結果＞

• 呢度係公眾草地。
• 負責園圃嘅部門話呢啲植物冇妨礙打理草地同對啲樹冇害。（即係持容忍態度）
• 負債出租公眾草地畀人種嘢嘅部門話呢度冇相關嘅申請。即係冇人規管種嘅植物有冇妨礙路人，駕駛人士。（有規管嘅會限制植物嘅種類，高度等等）

啲部門好似事不關己咁。但係呢度明顯係公眾土地用作私人用途喎。

於是再寫信去市政署問邊個部門負債。話如果政府持容忍態度，個個都自己種嘢，擺自己嘢咁仲得了。最終有部門話會要求屋主移除有關物件。

同友人講開，佢哋都話做乜要投訴喎。屋主整得好靚吖。

奧地利人就係佢冇影響我，我會由得佢嘅態度。

感謝 AI 嘅幫忙將我嘅投訴信好好的翻譯成德文。