睇波

足球其實唔係我杯茶。但係 5 月 3 同友人們柴哇哇去睇波。

奧地利甲組聯賽：奧地利維也納 FK Austria Wien 對哈特貝格 TSV Hartberg

奧地利維也納係主場。友人班嘅飛係烈日當空。我坐咗唔夠十分鐘就自己搵咗個有瓦遮頭嘅位坐。

熱身。

球證亦要熱身。

忠粉位。

TSV Hartberg 嘅粉絲得小貓三四隻。仲要隔開哂。

打梗嘅時候可以買吓嘢食嘢飲，亦有職員喺觀眾席兜售爆谷。

免費旗仔為 FK Austria Wien 打氣。

球隊吉祥物。

上半場係防守型。下半場兩隊都猛攻，比較好睇。最後不負所望，FK Austria Wien 入咗一球。

向球迷致謝。

人身第一次現場睇波。感覺氣氛高漲。有下次。

講開又講今年世界杯奧地利有份，可能都會睇吓直播支持一下。