2012年1月26日星期四

騙財經過

今集同大家睇吓一宗騙案. 事發時間本月二十號下午三點半,地點係比利時東部列日市Liege.  靚仔受害人去到一間位於R.D'Harscamp 7 嘅郵局想買特別郵票.
大家一齊嚟睇吓
案發經過 *受害人聲音經過特別處理.

~試過布魯塞爾買郵票經驗,我驚C佢唔知我想買乜. 所以拎咗張集郵嘅資料, 㩒咗飛,好快三號窗serve我.


個counter係一位睇嚟四十幾嘅男子.用英文話佢知我想買特別郵票.
居然佢會用英文回答> 呢啲冇喎. 等我搵啲畀你啦.
佢show咗啲自動黏貼郵票.  我>um...有冇一個個唔係貼紙嗰啲. 
佢搵搵搵. >呢個唔係比利時嘅(其實係比利時出關於巴西嘅郵票) ....6歐幾,你要唔要吖? 
我> OK,要. 咁有冇好似呢啲但係比利時出架?  
佢又摷摷摷. > 呢個3歐幾要唔要?
我見佢逐張逐張咁搵,唔想等咁耐 > 要. 就呢兩張. 
佢> total 10歐2.   佢仲走到好遠搵個信封畀我添.
  

事主見呢位職員咁好人,不悟有詐, 冇睇收據就離開. 當事主返到德國科隆,查看一下收據. 居然見有三項收費.

經過調查www.bpost.be  一個3號郵票係1.95歐(即關於巴西嘅郵票3.9歐正確), 一個1號郵票0.65歐(大嗰張有5個, 3.25歐正確). 多出無故嘅3.05歐.
因為事主離開咗案發現場已經好難追討. 而呢件事令事主嘅弱小心靈大受打擊,佢以後都唔信有好人. 不幸中嘅大幸係事主只係被騙財,冇被騙色.

歐洲好多地方都係用幾多號郵票,郵票冇面值. 外地人都會相信職員話幾錢就幾錢.  防範被騙, 一係事前做好資料搜集,了解唔同郵票價值. 另外係檢查收據,有唔明嘅項目即時問清楚. 

以下係事主喺德國買嘅郵票.

29 則留言:

  1. Poor you. 當破財擋災.今年會更好。
    [版主回覆01/27/2012 04:51:52]係就好喇.

    回覆刪除
  2. oh poor, 當新年豪比佢!
    [版主回覆01/27/2012 04:51:42]明呃唔抵

    回覆刪除
  3. 買野, 食完餐買單....尤其係人地地頭 , 老虎蟹都要check 單啦..咁既常識都冇...點出去行走漿糊呀....算啦....唔係好多.....咪當交學費囉...起碼買到心頭好嘛...
    [版主回覆01/27/2012 04:51:31]行走漿糊咁耐都冇被人呃過. 好彩學費唔多.

    回覆刪除
  4. 小財o吾大財o吾入﹐等o下啦﹗好快就有大材入架喇﹗
    [版主回覆01/27/2012 04:49:53]係就好喇.

    回覆刪除
  5. 千金難買心頭好呀
    [版主回覆01/27/2012 04:09:08]明呃唔抵.

    回覆刪除
  6. 語言不通就係咁架, 我都試過啦
    [版主回覆01/27/2012 03:47:22]佢用英文答喎. 我唔覺佢英文is that bad.

    回覆刪除
  7. 算喇, 下次小心些...
    [版主回覆01/27/2012 07:17:18]下次一定check吓.

    回覆刪除
  8. 歐洲人一般比我感覺好似自律少少...不過人就係人...總有貪念! btw我好人黎架! 都係騙才唔騙色架!
    [版主回覆01/28/2012 04:53:53]唔騙色?? 有d懷疑. 如果你見到Hugh Jackman, George Clooney, David Beckham....真係唔會?? 哈哈.

    回覆刪除
  9. 俾人搵一次笨就夠啦,下次唔好再犯咪得囉!
    [版主回覆01/28/2012 04:50:48]下次會精咗.

    回覆刪除
  10. 經過今次被騙之後,下次要睇清楚先走呀!
    [版主回覆01/28/2012 04:50:40]下次會精咗.

    回覆刪除
  11. 經過你詳細報導呢單騙案 , 糾正了我思想上的錯誤 , 我以為國內才有的 , 原來外國都會有咁編人 , 不過佢都有良心喇 , 唔會好似傳聞話國內買金錢龜比芋頭 , 唔緊要喇經一事長一智嘛 .
    [版主回覆01/28/2012 04:50:26]當交學費

    回覆刪除
  12. 快快叫奧地利電視台幫你拍番套『警訊』,btw, 幾日前,我係新加坡都有宗被騙案,損失都同你差不多,怪只怪自己太天真太傻,信錯左人。
    [KK回覆01/28/2012 10:21:52]唔係,好似你咁信錯那人係好人,結果俾人呃錢。
    [版主回覆01/28/2012 04:50:07]墮美色???

    回覆刪除
  13. hmmmm... terrible, fortunately it is not a big sum, good warning !
    [版主回覆01/28/2012 04:49:22]當交學費

    回覆刪除
  14. 小財啫, 當買個教訓, 下次就唔會再俾人揾笨.
    [版主回覆01/28/2012 04:48:23]下次會精咗.

    回覆刪除
  15. 咁以後都要睇清楚收據喇!
    我曾經試過喺超市試過買特價貨,點知要畀正價錢,我走去 check 多次,怕係自己攪錯!點知喺啲職員擺錯牌,最後佢哋 Refund 咗差價畀番我!
    [版主回覆01/28/2012 04:47:51]有Refund差價咁好. 我呢度你買就買,唔買就算.一d歉意都冇架.

    回覆刪除
  16. 佢出左單據,難道可以袋落袋?佢地成日攪錯野架!
    [版主回覆01/28/2012 04:46:22]咁好啦,當佢攪錯咗,唔係存心呃我.

    回覆刪除
  17. 真的防不勝防, 唯有凡事要細心, 大事要事先做多少少工課!
    [版主回覆01/28/2012 04:45:15]下次乜都check吓.

    回覆刪除
  18. 我屋企附近有間藥房某個職員專登找少錢,我99同另外兩個親戚都比佢騙過,但係如果你走返去同佢講找少咗錢佢會比返你,正明佢係專登嘅。佢每次都係找少好小錢所以好多人比佢呃咗都唔知!我有次揸車聽到有D好似撞到人哋㗎車嘅聲以為自己撞花人地部車,原來係佢想呃我賠錢,我扮唔識意文但佢英文勁好(shame on him!), 好彩我老公及時趕到,原來意大利好多衰人!
    [RomaMamma回覆01/28/2012 15:16:18]意大利同大陸好相似尤其係南部!
    [版主回覆01/28/2012 04:44:10]呃賠錢咁鬼似大陸架.

    回覆刪除
  19. 以你過往紀錄,你都好精靈的,今次是否俾個靚女電暈左,貪圖美色的代價係三歐元﹗
    [版主回覆01/28/2012 04:43:11]o個個男人黎架!!

    回覆刪除
  20. 咁其實果3.05 即係乜呀?
    [版主回覆01/28/2012 04:42:38]Prix google咗即係price,即係唔知乜.

    回覆刪除
  21. 經一事,長一智
    [版主回覆01/29/2012 01:00:54]下次乜都check吓.

    回覆刪除
  22. 郵政信箱 P O Box2012年1月28日 下午1:33

    歐洲經濟真係咁差 ? 連郵局職員也出如此招數 ????
    [版主回覆01/29/2012 01:00:40]都唔知佢係無心定有意.

    回覆刪除
  23. 十次有兩次,去Coles超級市場,貨品明明是做特價,check out是正價,所以每件貨品過機時,都要金睛火眼,發現有錯即時說明。Coles是否有心呃客?還是職員工作能力低?
    [版主回覆01/29/2012 17:08:34]呢度有間超市都係咁. 我懷疑係員工工作能力低.

    回覆刪除
  24. 佢可能收你個信封錢, 你唯有當佢呃你買個信封囉.
    [版主回覆01/29/2012 17:07:49]咁呢個信封都幾貴.

    回覆刪除
  25. 第三項收費係Prix = 獎賞,佢覺得幚你摷摷摷得咁辛苦,又見你咁順攤,佢可能覺得你應該好樂意比獎賞佢!
    [版主回覆01/29/2012 17:07:24]發佢個夢啦.

    回覆刪除
  26. 不如你試下追討? email them this case to investigate..
    [版主回覆01/30/2012 05:28:10]email 咗,未有回復.

    回覆刪除
  27. 哎呀,鬼叫你唔睇清楚就俾錢:p
    [版主回覆01/30/2012 05:29:28]佢口講6歐幾加3歐幾= 10歐幾啱吖,所以冇睇.

    回覆刪除
  28. 真係無諗過比利時都會發生d咁既事! 死啦~我在梵諦岡買郵票都無check添(反而捷克明碼實價寫價錢出黎俾人計好先買),會唔會俾人呃左都唔知呢? 講開又講,我兩次去德國都無抽時間買特別郵票,只係用普通郵票寄左幾張明信片...見到你果d,下次想專登去買~
    [版主回覆02/03/2012 23:54:16]梵諦岡又係冇價錢架?? 德國郵票都幾靚架. 下次買啦.

    回覆刪除
  29. 風景果套幾靚。
    [版主回覆02/03/2012 23:52:50]Like

    回覆刪除

入咗嚟,不如寫幾隻字,留個言啦.