4 月 10 東京近郊一天遊。首先嚟到Snoopy Museum。(個又將我啲次序倒轉。請大家由尾睇番上嚟。)
Lunch 喺food court 食天婦羅,居然冇影相。襯友人食飽要休息一下嘅時候我去咗夾公仔。用咗200 yen 就帶咗佢做團友。(喺舖頭總共玩咗約1000 yen)
4 月 10 東京近郊一天遊。首先嚟到Snoopy Museum。(個又將我啲次序倒轉。請大家由尾睇番上嚟。)
Lunch 喺food court 食天婦羅,居然冇影相。襯友人食飽要休息一下嘅時候我去咗夾公仔。用咗200 yen 就帶咗佢做團友。(喺舖頭總共玩咗約1000 yen)
原本巡遊之後係返東京,去一間傳統舊式嘅燙。但係自己酒店都有得浸,就無謂再畀錢人賺啦。咁就臨時加插期間限定活動。首先去醫肚。
喺東京嘅品川轉車去下一個目的地。想去食某連鎖店嘅米堡。喺JR站內見有方向指示,但係要入閘。兜咗幾次都唔見有其他通道。於是問職員啦。佢話我先頭搭地鐵,經呢度去商場要畀過路費150 yen。孤寒種當然改去目的地先食啦。
話係識途老馬,其實都有十幾年冇去過日本。出發前嘅幾個月就不停煲yt 更新一下日本嘅小知識。
4 月 5 入境,已經download咗個Visit Japan Web嘅QR code,話會快啲喎。點知入境嘅關員拎住我本護照驗屍咁驗。首先唔知係咪奧地利嘅護照頁面太光滑呢。佢scan咗好多次都scan唔到資料嗰頁。
另外亞洲人拎住本歐洲護照,完全冇去過旅行嘅入境印(我因為只去歐盟國),本嘢十成假㗎喇。佢逐頁照紫外光。又有用放大鏡照我幅相嘅四隻角多次。等到我後面嗰位唔耐煩 (multi queues)。
成功入境就要㩒錢,買pasmo passport,搭最平嘅機場巴士。
去日本其實冇打算睇到櫻花。點知香港嘅資訊日日都提。見話預測滿開嘅時間只係早我到埗幾日。於是買埋個睇櫻花app。到埗即時check 吓仲有冇得睇啦。
維也納新開咗個景點 House of Strauss。 旅遊局就搞咗個抽獎活動,抽出廿位幸運兒喺開幕日參觀。
2 月 24 地點係Casino Zögernitz。(德文casino 百幾年前係冇賭場嘅意思,只係啲高官貴人搞活動聯誼嘅地方)
House of Strauss 顧名思義係關於史特勞斯嘅歷史(共四位)。
過年嘅週末冇節目。當友人(西人)知咁啱係新年,就邀請我過去佢鄉下同家人過農曆年啦。(其實係搵藉口聚一聚)
年三十早啲放工就出發。食飯吹水就一晚。
年初一我安排咗派利是環節。依家有PDD乜都陶到。買利是封冇難度。
利是要封雙數。於是喺古力金幣中尋找兩歐版。我呢個宣揚中國文化嘅大使當然有講解一下派利是呢個傳統啦。
呢個Too good to go我知有咗好幾年。係個平台畀啲餐廳,超市以低價賣啲剩菜。減少食物浪費。顧客係冇得揀,佢畀咩嘢你就食咩嘢。有啲似開盲盒。
最近友人題起佢,而我依家又懶煮。於是單撈個App睇吓有乜筍嘢啦。