南巡Opatija

今次南巡去咗有奧地利海濱之稱嘅Opatija.
Opatija 喺克羅地亞,好多奧地利人都鍾意嚟呢度渡假.
維也納嚟呢度都幾方便,有跨境巴士到.

巴士喺奧地利有三個停車站,好快穿過斯洛文尼亞.個個都要落車辦出EU手續.

上番車,過咗去克羅地亞.有入境處人員上車check
passport. 我個passport終於花咗lu...

之後去咗唔知邊度嘅加油站休息30分鐘.

嘩!見到海喇.
已經有兩年幾冇見過.

狂索海水嘅氣味.

呢度水清沙....呢度係冇沙灘嘅,只有石灘.

其實之前嚟過兩次.今次見海邊地方有免費WiFi.

南巡,當然去了解吓民生.

海濱長廊賣二手書.
依家睇番原來有鹹書賣喎.

呢啲唔知係乜嘢花.四維都有.好香.

有人唔知搵乜.

見呢度啲人泊車去買嘢係好隨便咁停咗架車.條路就咁被佢哋block咗.

了解民生當然要去超市睇睇.

我去咗一間住宅區嘅超市.肉枱員工見到我呢個亞洲面孔都係用德文溝通.
感覺呢個鎮個個都識德文咁.

克羅地亞牌子朱古力.可能維也納都有好多克羅地亞人.呢個牌子維也納某間超市都有賣.呢一排好似冇見過.咪買囉.

呢度超市又好似比維也納國際化啲.呢啲都係維也納冇.桔味Orangina,意大利出嘅快熟蝦味risotto,西班牙麵包乾.呢個品牌消化餅(奧地利只有Milka出嘅).調味粉(我之前介紹過話好好味,咁有blog友問係咪有味精.睇過又真係喎.今次呢款係natur嘅,冇味精.奧地利未見有賣)

Pelinkovac係克羅地亞嘅酒.但係見太重,唔拎佢返維也納囉.

另外check超市張單,呢度銷售稅係25%.好高呢.

Stay咗三晚.走係搭火車因為巴士只係一星期一班.

車站裡面都幾殘.

呢度一日只有幾班火車經過.有兩條軌都廢咗.經過9個幾十個鐘返到維也納.
(去程巴士原定都係9個鐘,但係我哋早咗一個鐘到)