2012年8月10日星期五

奧國反猶市長陰魂不散

被譽為音樂之都的奧地利首都維也納,前身為護城牆的環城大道,是遊覽古色古香舊城的最佳步行徑,作為環城大道一部分的卡爾─呂格爾博士環城道,最近被市政府官員易名為大學環城道。市政官員稱,維也納前市長呂格爾功績卓越,但他是上世紀反猶太主義主要煽動者;其潛台詞似乎是,沿用舊名會損害該市名聲。



二戰後,奧地利將自己描繪為納粹德國第一受害者,假的真不了,奧國逐漸面對現實,承認該國心甘情願與希特拉串聯。奧國迷途知返,但面對此一歷史污點,終究不堪回首。

呂格爾一八九七年出任維也納市長,直至一九一○年身故為止,他為該市引進阿爾卑斯山泉水和天然氣,建立公共交通系統,強化該市社會福利服務,卓有功績。與此同時,呂格爾大力鼓吹反猶,曾形容維也納是「放大了的耶路撒冷」,猶太人是「神的謀殺者」。希特拉一戰前曾在維也納生活過,當時呂格爾是維也納市長,希特拉在《我的奮鬥》中盛讚呂格爾是古往今來最偉大的德國人市長;於上世紀三十年代維也納內戰中勝出的法西斯主義者,也視呂格爾為英雄。



改了街名就能卸下歷史包袱嗎?共管首都的社會民主黨和綠黨聯盟,與反對改街名的極右政黨自由黨為此爭論不休,自由黨黨魁史特拉赫指,社會主義者在市內一個公園為滿手鮮血的哲古華拉樹立半身像,以政績卓越前市長命名的街道卻要改名,絕對是醜聞。維也納猶太社區代表諷刺史氏作賊心虛,認為改街名正好警惕那些以反猶作口號的政客。



無論如何,以呂格爾命名的還有市中心一個廣場(內裏有一座呂格爾像)、首都墓園一間教堂及市政廳外一棵高聳橡樹,市政府無計劃給上述事物和設施改名,卻在街名更改爭議中寸步不讓,無形中將維也納不光彩過去大事宣揚。



荷里活電影《仙樂飄飄處處聞》中,崔普一家故事賺人熱淚,正因他們敢對納粹德國說不,變相挖奧國瘡疤。不少慕名前往奧國名城薩爾茨堡觀光的人士,就是為一睹片中外景,遊客為薩爾茨堡之子莫扎特抑或仙樂飄飄而來,奧國管不了;人們對維也納曾被反猶的呂格爾管治有何觀感,奧國管不了。



維也納與反猶的呂格爾切肉不離皮,「去呂格爾化」措施不是庸人自擾,就是有人故意為之,以維護政治正確之名,行撈取政治籌碼之實。
太陽7月26
----------------------------------------------------------------------------------------------------------------------------------

估唔到呢份報紙會有呢篇報導.見佢咁detail,擺佢入我個blog到啦.又可以有個原因出去影吓相,報導一吓.

以前卡爾─呂格爾博士環城道Dr.-Karl-Lueger-Ring,依家易名為大學環城道Universitätsring.可惜改嗰時冇去影低個舊名留念.

維也納大學

市中心一個廣場就係Dr.-Karl-Lueger-Platz.唔係好大架咋.

呢個呂格爾像

基座有啲雕塑.睇得明嘅係關於引進阿爾卑斯山泉水和天然氣.


左邊係佢,但係呢班係乜水呢?又冇介紹.

行去科技大學,居然無意中發現呢度係呂格爾個出生地.

內容係>偉大呂格爾市長喺18441024喺呢間學校出世.

13 則留言:

  1. 之前跟學校團都有好多柏林街名已經改左名, 有D 係以前以國王命名的街, 有D 好似都係同呢個POST 相似的理由
    [版主回覆08/11/2012 02:43:23]國王命名o個d都改咗?

    回覆刪除
  2. 學校前身是醫院?
    [版主回覆08/11/2012 03:27:00]係d好似工廠宿舍o既地方. 以為多數o係屋企生.

    回覆刪除
  3. Pandora 香傭講法文2012年8月11日 上午3:36

    改!
    [版主回覆08/11/2012 04:08:37]改一個冇理由唔改其他啫...

    回覆刪除
  4. 呢位市長係學校出世,犀利呀!
    [版主回覆08/11/2012 16:36:32]

    回覆刪除
  5. 好多人都o吾知道o厘段歷史架啦﹗都事隔成個世紀﹐改o吾改都無所謂啦﹗
    o甘我反而更加敬重德國人﹐勇敢面對歷史與錯誤。 掌聲鼓勵。
    [版主回覆08/11/2012 16:36:25]我都係咁話,改唔改都無所謂

    回覆刪除
  6. 嘩. . . 你比我們還要熟香港的中文報紙呢. . . 又知多些. . .
    [版主回覆08/11/2012 16:35:43]都係無意中發現

    回覆刪除
  7. 資料詳盡
    [版主回覆08/11/2012 16:35:15]所以要納入我個blog.

    回覆刪除
  8. 有冇邊度納入你個名...
    [版主回覆08/12/2012 02:00:28]咁我要推出一d德政先.

    回覆刪除
  9. 呂格爾喺科技大學出世, 咪在科技大學讀書咪完全免費
    [版主回覆08/12/2012 01:59:45]o個時o個度仲未係大學

    回覆刪除
  10. 真係好詳盡~~~幾時到王子你被表揚?
    [版主回覆08/12/2012 17:28:35]咁我要推出一d德政先.

    回覆刪除
  11. 种族灭绝是禽兽行为,坚持反对
    [版主回覆08/12/2012 17:29:09]不可鼓勵

    回覆刪除
  12. 其實全世界都知奧地利當年係歡迎納粹德軍進駐的一段歷史,只係奧地利人以為人地唔知所以唔承認0者,仲話自己係受害者,實在說不過去
    正如日本人二戰後都極力宣揚自己係受害者,淡化侵略者的醜陋角色
    [Gael回覆08/13/2012 15:43:45]唔驚啦,成個日本億幾人都唔知自己國家當年有侵略過中國啦
    [版主回覆08/13/2012 15:36:35]全世界都知>> 我唔知添.

    回覆刪除
  13. 你歷史, 就唔到佢唔認.
    [版主回覆08/16/2012 01:38:29]冇可能唔認

    回覆刪除

入咗嚟,不如寫幾隻字,留個言啦.