2012年11月8日星期四

繼續科隆


繼續清咗科隆啲相先.

呢個凌空表演已經進化咗有二人version.
有一日我見有一個等開工
.如果我有時間,我會睇吓佢點上個架.


仍然興建中嘅回教寺.


因為去入貨,咁又行吓墳場.
我估所有男士都想葬以下呢度.

墳場有一part好似個公園咁.原來個墓碑係個園圃邊.我估係灑咗啲骨灰喺度.

垃圾箱有埋執金袋幾好.
維也納係分開架.你都唔知邊度有.

夏天見好多科隆人都開party.佢哋有啲喺公園搞.我仲見過有人喺路邊BBQ.


喺科隆時,收音機時時都話有金多寶.咁又買啦.六合彩一注係平過奧地利喎.

廣告通常一次過會有好幾張派入信箱.而呢度係pack好晒,方便咗派嗰個,但係更加唔環保


左邊呢枝大家可能都識.右邊呢枝仿造品.味道麻麻.唔知仲有冇其餘48個州呢?


睇雜誌認識咗呢隻德國飲料,話含豐富鐵質.味道....蘋果汁咁囉.


三角朱古力雪糕.
中伏
!!只係雲尼拿雪糕有啲超迷你三角朱古力.冇下次.

科隆有,維也納主流超市冇嘅食品>午餐肉,鹹牛肉,啫喱粉.

Mettwurst係調咗味嘅生豬肉.嚟搽麵包一流.奧地利都係冇.

話說有一日喺街好肚餓
,想食少少嘢.去咗間餐廳見有Mettwurst.唔知係乜,見佢係Wurst估佢係香腸啦.但係上菜時係open sandwich上邊有生豬肉.初時都有啲抗拒架.讀書時學唔好食生豬肉嘛. Order咗唔食咩.唯有照食啦.居然係一食難忘.太好食,特登去超市搵吓有冇.

26 則留言:

  1. 哈哈,個二人凌空表演,ET話擺明佢哋係長洲太平清召睇完"飄色"學 !! 哈!!

    三角古力果然中伏.. BTW 麥當當出左"心太軟" + 黑椒牛堡

    生豬肉醬好驚喎.. 雖然洋葱殺菌..
    [版主回覆11/09/2012 17:04:47]beef tartar我食架. 好好味.
    [咖啡奶茶精回覆11/08/2012 23:46:09]冇呀, 香港好少賣歐洲雪糕.. 好似haagandaz都b6做!
    真係要德國貢靚嘅豬肉先生食得.
    咁beef tartar 你食唔食?
    [版主回覆11/08/2012 23:39:11]一定係參考咗飄色.
    見到三角古力雪糕唔好買呀!!
    黑椒牛堡我知.
    你當肉醬熟咗就唔驚架喇.

    回覆刪除
  2. 垃圾箱有埋執金袋,好方便 D 狗主喎!
    [版主回覆11/08/2012 23:39:43]放o係一齊方便d.

    回覆刪除
  3. 柏林呢度冇執金袋係垃圾桶, 岩岩又見到有堆細路踩到金
    其實我覺得D LOTTO 好複雜, 唔識點買
    [版主回覆11/08/2012 23:40:37]有執金袋d人都唔用.
    Lotto我買電腦架咋.

    回覆刪除
  4. "呢個凌空表演已經進化咗有二人version." ~ 其實都係抄長洲飄色, 只是鬼打鬼版!
    [版主回覆11/09/2012 17:05:44]我哋呢d知道長洲飄色係點,呢個凌空表演一睇就睇得出.

    回覆刪除
  5. 我好鐘意食三角朱古力,原來佢既雪糕唔好食架
    [版主回覆11/09/2012 17:06:20]佢好似雪糕同朱古力分開咁囉.

    回覆刪除
  6. 你咁多存貨呀!即係成日懶街。
    [版主回覆11/09/2012 17:06:49]e+少咗好多. 存貨好快冇.

    回覆刪除
  7. 咩到試下都好吖, 有時撞彩都好食。
    [版主回覆11/09/2012 17:07:25]真係架. 呢個唔食都唔知好味.

    回覆刪除
  8. 你o吾知道長州有飄色﹐行埋去偷摸o下個patpat就知道有個框架啦﹗佢o地扎著左跑o吾得快嫁﹗

    聽老人家講豬肉有虫﹐要煮好熟架﹗你依家有好多幼虫寄居喺你身內爬o下爬o下﹐好似異形o甘﹗好恐怖呀﹗

    死無對証﹐你都可以葬喺果度﹐作几大都得啦﹗
    [版主回覆11/09/2012 17:10:34]又唔係靚仔靚女,摸乜鬼人哋個patpat喎.
    以前上Bio都講豬肉有虫,仲有標本睇架.
    咁又係,o個個部位都有骨,考古人員都唔知你有幾大.

    回覆刪除
  9. 凌空好犀利,三角朱古力有雪糕咁正.
    [版主回覆11/09/2012 17:10:57]呢個凌空表演一睇就睇得出

    回覆刪除
  10. 原來科隆都有咁多野睇,希望有機會再黎過!
    [版主回覆11/09/2012 17:12:05]科隆唔係太多大路o野睇. 但係我時時都去,都要發掘吓d地方行吓.

    回覆刪除
  11. 咁你拆左凌空人既秘密未呢...第日自己冇野做都可以去凌空坐下搵返些少啦.
    樽綠茶我更鐘意另一樽檸檬茶...
    生豬肉唔係食既..係砌先0岩架
    [版主回覆11/09/2012 17:15:17]估都估見到呢. 只係唔知條街咁多人佢點上個架上面啫.
    檸檬茶好味架?? 我以為檸檬茶都係同一味道,冇買過. 我只買green tea同blueberry tea.
    咁你唔好砌我.

    回覆刪除
  12. 個回教寺勁modern ~~ nicenice

    個三角朱古力 = 麥"船"風 ?? 哈 幾銀?
    [版主回覆11/09/2012 17:17:13]勁modern我估d鬼鬼容易接受d.
    雪糕唔記得幾錢lu. 我估要2歐.

    回覆刪除
  13. 食生豬肉
    [版主回覆11/10/2012 00:52:44]德國&奧地利人都話豬肉邊有虫架. 有虫都係中國豬肉啫.

    回覆刪除
  14. 執金筒、HK政府応該考慮大量設置來迎合強国人!
    日本loto一注200円也!
    [版主回覆11/11/2012 03:43:29]有次頭奨好耐都冇人中,有10M欧. 正常真係唔知有幾多.
    [倭国団長回覆11/10/2012 19:20:21]徳国又真係奇怪wor... 固定要人買3注比2.6欧。。。 
    奥地利lotto一注価銭係差吾多日本既一半、想知奥地利頭奨係有無2M欧。。
    [版主回覆11/10/2012 18:57:10]徳国3注係2.6歐(古古怪,除唔盡). 奥地利一注要1.1歐
    [倭国団長回覆11/10/2012 11:51:33]徳国OR奥地利一注要幾銭?
    [版主回覆11/10/2012 03:29:19]奥地利睇吓之前頭奨有冇人中啦. 通常幾多我又冇留意喎.
    [倭国団長回覆11/10/2012 01:27:14]徳国OR奥地利、頭奨一注中派彩有幾多? 
    [版主回覆11/10/2012 00:54:22]係喎. 強国人執金袋
    200円好貴喎.

    回覆刪除
  15. 那個三角朱古力雪糕,我諗好多人見到都會想買嚟試,不過聽你講完,我就不感興趣食了﹗因為我唔愛食雲呢嗱味雪糕﹗
    [版主回覆11/10/2012 00:55:28]見到三角古力雪糕唔好買呀!!

    回覆刪除
  16. 你食生豬肉! 咁你有無食過Tartar, 係生牛肉+洋蔥+生雞蛋+麵包, 都好味架!
    [版主回覆11/10/2012 06:42:39]奧地利人都話豬肉冇虫架.
    [香心姐姐回覆11/10/2012 05:50:59]Mettwurst 塗麵包,我都食架。有次奶奶煎豬柳,中間有血,她説豬肉唔怕喎,佢地都係咁食,我又照食囉。不过自己会煑熟豬肉先食。
    [版主回覆11/10/2012 00:58:58]有呀牛肉tartar好好食. 生牛肉我接受到架. 牛扒流晒血我都唔怕. 但係生豬肉一直都話可能會有虫唔好食. 所以有啲抗拒. 咁你鍾唔鍾意食Mettwurst??

    回覆刪除
  17. 自從KitKat甜筒上過檔之後我唔會再試d cross over 雪糕喇
    [版主回覆11/10/2012 18:57:47]Mars我未食過喎. 搵日去買.
    [咖啡奶茶精回覆11/10/2012 13:55:45]Mars ok 嗎? 見citysuper有..
    [版主回覆11/10/2012 03:23:20]KitKat甜筒我見到都唔會買,只係插條kitkat.

    回覆刪除
  18. 我都見過呢個凌空二人VERSION
    維也納主流超市居然無午餐肉?估唔到!
    [版主回覆11/10/2012 03:30:25]我呢邊好多o野都冇架. 可能奧地利人唔食.

    回覆刪除
  19. Pandora 香傭講法文2012年11月10日 上午5:58

    中伏!
    [版主回覆11/10/2012 06:43:39]見到三角古力雪糕唔好買呀!!

    回覆刪除
  20. 咁有無對到有無中呢
    [版主回覆11/10/2012 18:58:24]梗係有.......對
    梗係冇.......中

    回覆刪除
  21. Luca媽@Azerbaijan2012年11月10日 下午4:11

    我中買過kitkat甜筒,條冰左的kitkat好難食!
    原來那Dr.O。。。啫喱粉係德國貨,我呢度都有呢個牌子的東東,下次去買
    [版主回覆11/10/2012 19:08:39]我睇見kitkat甜筒係插條kitkat o係度已經唔想買.
    Dr Oetker d o野都幾好架.

    回覆刪除
  22. 大件事.....阿王子 "中伏"
    [版主回覆11/12/2012 04:17:26]o個日冇啊...

    回覆刪除
  23. 個凌空表演好似又高過以前咁.
    生豬肉係咪好似prama ham咁呢?
    [rity - yc回覆11/13/2012 00:43:45]嘩~咁我食唔落囉.
    [版主回覆11/12/2012 22:50:39]唔係架. 生豬肉直頭係免治肉,只係冇血水出.

    回覆刪除
  24. 漏咗講喺香港依家d三花午餐肉好唔食, 祖國嘅豬仔嘜好食d.
    [版主回覆11/12/2012 22:51:02]我以前都只係食豬仔嘜

    回覆刪除
  25. 香港有此牌子果汁,德國嘢,不錯呢, Rabenhorst. Is it same as yours?
    [版主回覆11/12/2012 22:52:51]google咗,應該係同一公司出品.

    回覆刪除
  26. 哎呀 , 生豬肉亞媽教落唔好食呀會生蟲0架 .
    你仲居然話一食難忘 , 究竟點好食法呢 ?
    [版主回覆11/13/2012 23:18:50]德國&奧地利人都話豬肉邊有虫架. 有虫都係中國豬肉啫.

    回覆刪除

入咗嚟,不如寫幾隻字,留個言啦.