Schneeberg 行山

返到維也納，第二朝8月10 就去Schneeberg 行山渡週末。 

同行有位五歲嘅小朋友，所以揀咗易行嘅路段。亦都啱晒我。

Schneeberg 意思係雪山。小朋友興高采烈話可以食雪花冰（直接食雪）。當然喺盛夏係冇雪㗎啦。

玩吓，氹吓，利誘吓，終於五點嚟到度假屋，廚房收爐前點到晚餐食。

呢晚話有流星睇（英仙座流星雨?）。冇光害下，滿天繁星。可惜手機影唔到啦。我睇到兩粒流星，係超級快。嚟唔切許願添。

8月11 係攞我命嘅路段。

目標係呢個山頂。

行到身水身汗，前一晚又冇水沖涼。所以去附近嘅泳池沖啦。入場只係3 歐。

泳池附近有個音樂會。