名車

我呢個C9，成為車主都好多好多年喇。

我用過好幾架。都係10 - 12 歐貨色。每次都係個袋或條繩索爛。差唔多每年都要換新車。

咁約一年前轉用 50歐一邊有三個轆，方便爬樓梯嘅款式。可惜亦都係個袋爛。仲有係轉彎時唔順暢。

經驗所得，個袋爛係因為買得太多嘢，個袋發福向橫發展。拖嘅時候就同個轆磨擦。磨磨吓咪爛囉。

某日見到相中呢款。個袋比較硬身，而兩邊有遮擋，唔會同個轆磨擦到。個轆又大喎。爬樓梯都方便。亦附有冷凍格。成架可以掛喺超市購物車前面。拆個袋出嚟，個支架又可以般運，例如，一箱啤酒。

車當然德國貨最好啦。呢架都係made in Germany。價錢亦係名車價。承惠 150 歐。