飲品樽罐回收

自今年開始，奧地利跟隨德國模式，飲品樽罐要畀按金。目的係想啲人拎返去回收，源頭減廢。每支/罐預支0,25歐。

廠商有一年過度期張冇按金嘅飲品賣出。消費者嘅我哋就要留意邊啲有，邊啲冇按金嘞。

有啲超市因為呢個措施要裝修，騰出空間放回收機。

放入後會印張total 金額嘅 coupon 畀你買嘢或喺收銀對換現金。

豁免嘅有:

• 有蓋嘅玻璃及罐裝飲料。
• 奶類飲品（因為衛生原因＞我估可能係易發臭啦。）
• 糖漿（因為唔係一次會飲晒）。

餐廳售賣嘅支裝罐裝飲品亦係豁免。原因係啲人會即場飲完，唔會隨處抌。

上圖個樽就係喺快餐店個餐嘅。見係有按金標誌，當然拎返屋企啦。計番個餐即係平咗0,25歐。

註> 回收招紙要保留。回收嘅樽罐唔可以㩒扁，即係屋企要騰出空間放吉樽。