泰國 Day 1 曼谷

12月 29 一行六人齊齊到咗曼谷過新年。

大家都話機上冇覺好瞓。酒店可以提早畀我哋check in。之後大家話要眠一眠喎。

我就唔好嘥時間（港人本色），獨自去附近嘅EmQuartier shopping。

幫襯咗 Miniso, Muji, Uniqlo, 紀伊國屋書店。

遇着節哀期。

帶戰利品返回酒店，可是友人話仲要繼續眠喎。咁我繼續shopping 啦。

轉戰冇幾遠嘅Terminal 21 Asok。

名店 + 以前西九中心嘅感覺。唔多啱行。

只係幫襯咗Daiso, Tsuruha, Daily Queen。

晚飯大家一致通過食泰菜。咁我話去Terminal 21啦，近，有foodcourt，有餐廳。

最後幫襯咗foodcourt，因為友人話餐廳貴喎。（覺得喺泰國啲嘢應該唔係歐洲價）

見食客一人一卡，於是去問收銀啦。英文溝通完全冇問題。原來要預先買儲值卡的。

備註> 泰國第一次嚟。

以前住咁近都唔去就知呢度唔係我想去嘅國度啦。見一班人柴哇哇咪跟大隊囉。我完全冇想去參觀嘅景點㗎，友人們又冇安排行程喎。大家玩即興。