我的復活節假期

我的復活節假期就喺去做鄉下友人屋企 hea。

首先買啲鮮花做手信。一歐一枝，自助形式。

連續兩晚一齊幫蟾蜍過馬路。

舊年試過一次。今次了解多咗。

話說四月係蟾蜍繁殖期，佢哋會由樹林行去湖泊繁殖。因為人類，呢條路線被馬路分開。過馬路如果身手唔敏捷，下場就會好慘。

好心嘅社區組織喺馬路邊起咗攔網。過唔到馬路，咁就要人手張佢哋帶去另一邊啦。

第一晚用咗三過鐘，三人合力（我只係負責用肉眼搜索，唔出手）總共幫咗二百幾隻單身漢，45 幾隻情侶過馬路。

第二晚少咗好多，所以只用咗兩個鐘。幫咗過百隻單身漢同22對情侶。

友人話呢隻係青蛙。

之後逐隻放喺湖邊。