黑仔露營團 5

6 月 16，因為報警搞咗好耐。下一個營地又未 book 喎。心儀嘅營地 Camping Šobec 唔知有冇得walk in。唯有照去睇吓啦。

八點半到，好彩仲有人。仲可以睇啱位置先 book啦。

因為夜，營地內嘅超市已閂。餐廳就閂。唯有食早餐嘅物資當晚餐。

6 月 17

呢度有個人工湖可以游水。

營地喺樹林內。

設施完善。見好多有小朋友嘅家庭嚟。

按摩。

有連鎖超市（比普通貴），餐廳（隔籬營友話貴，所以我哋冇幫襯）。

呢朝六點，世界杯奧地利對約旦。奧地利第一次入圍，我唔睇波都支持吓啦。

只有我帶咗電腦同有VPN。營地有WiFi，可以睇直播。

下晝就行路去Bled。

營地嘅天然急流。可以玩橡皮艇。

鼓勵飲自來水，有薄荷，士多啤梨畀營友採摘使用。

目標在望。Bled 嘅城堡。

行咗約一個鐘。

大家只係想游水（多遊客呢邊禁止落水），我又嚟過，所以打咗卡就去食 lunch。

幫襯 Kavarna Park， 話呢度有元祖 Bled cream cake。

Bled cream cake 7.5 歐一件。比其他餐廳貴。

個布甸底好好味。等位期間，聽到台灣團話件cake 好鬼甜。當然啦，面層嘅糖霜咁厚。

食呢件cake 有技巧的（喺 youtube 學），於是示範畀友人睇。

黃昏就揸車去附近超市買餸，呢晚煮飯仔。

黑仔事件三>

大家可能都知歐洲超市嘅手推車要入錢先可以攞。我入咗一歐，推咗佢去蔬果區，放低架車就去揀嘢啦。點知轉頭架車畀人推走咗。等咗一陣，唔見有人話攞錯咗喎。損失一歐。

18號，繼續南下。