同小朋友露營 Day 1

 8 月 15 去一行五人去露營，其中一位係七歲嘅小朋友。地點係喺 Mühlen 附近嘅Camping am Badesee Familie Wernig。

被分配湖景位。

因為呢次露營，突地投資咗呢個雪櫃。二百歐有找。

可惜帶嚟嘅拖板太短。等到星期一先可以去買條長長嘅拖板準備落雨時放入帳幕。

喺熱帶雨林買嘅時候話出發前兩日會送貨。於是就 WFH 等啦。點知等等等，要遲兩日先送。係出發前一日喎，點都要收到貨呀。於是又要 WFH 等。

呢度都幾多小朋友嚟。友人亦唔使看管佢個仔，任佢自己去同人玩。

營地廁所，浴室唔大。餐廳食物選擇唔多（冷盤）。每日晚餐有兩款熱食選擇，要早一日落柯打。

麵包亦要預早一日訂。

有兩隻唔怕人嘅野兔。