巴黎 Day 2.3

夜晚嘅煙花表演 Disney Tales of Magic 要連同美國小鎮大街一齊睇。

霸位之前當然先 shopping 同醫肚啦。今年啲購物袋單色設計，超醜。我自備嘅米老鼠環保袋靚過佢多多聲。

而團友都一致認為呢度賣啲公仔平（鬼咩，奧地利賣嘅毛公仔抬高晒價錢）。

未開始前出現好多黑煙。其中一位團友怕係山林大火（佢有陰影）話要走人。另一位話煙花唔環保，杯葛唔睇。

個 show 係有投影。

呢度係呼籲啲人要企喺度睇。喺日本嘅話一定係個個乖乖坐喺地。

飄雪。

煙花只係射幾條嘢。對比我上次 30 週年睇嘅，呢個失色好多。

返酒店嘅免費穿梭巴士預咗好多人等。又唔知上唔上到車。

於是行路返去，只需行 30 分鐘。