巴黎 Day 3

9 月 22 因為由原先打算迪士尼兩日兩園，變咗依家嘅一日兩園。第二日大把時間，喺酒店 hea 夠就搭火車出巴黎。

買車飛，counter 只係畀呢款類似八達通嘅卡，2 歐 "按金"，車費兩歐幾。大家都覺得平。

去到巴黎諗住可以增值週票啦。點知耍我哋去地鐵站搞。地鐵職員態度不好地用法文話要買過張卡。週票嘅按金係5歐。

咁火車站買嗰張唔使要啦。行番去火車站諗住退卡攞返按金，原來係冇呢回事的。

問過AI，原來單程票只可增值單程，週票增值週票。不設退卡攞返按金服務。

喺酒店附近探索吓。

舊街市活化。外邊係商店，入面係街市熟食檔。

喺麵包店食少少嘢就出發去蒙馬特區 Montmartre。

由於酒店嘅位置，Google 帶我哋搭地鐵 Château Rouge 站出。一出地面就被眼前嘅景象震撼到。以為自己去咗非洲呀。街上全是黑人，仲有地攤經濟，黑人嘅理髮店等等 。。

參觀聖心大教堂唔使錢，亦唔需要訂參觀時段。見人龍唔太長同郁得都幾快，於是又排埋一份啦。

唔好彩，我哋撞正教宗訪問巴黎。。。。行程要改。。。

覺得巴黎啲餐廳好鍾意用啲假花做裝飾。

呢區出名係街頭畫家。（友人相片提供）

喺 cafe hea 夠之後就行去紅磨坊打卡。表演就唔睇喇，太貴。