帶隊遊香港後記

噚日有兩個驚.

首先係個驚喜,我個blog上咗旅遊精選blog.好多謝yahoo幫我宣傳,當然要多謝咁多位blog友得閒就黎坐,帶旺咗個場.

另一個驚係驚恐.噚晚電視新聞講香港.喺呢度嘅新聞聽到香港個名其實都唔會有好嘢.今次報導廟街鏹水彈.電視影住啲受傷遊客(鬼),你話啲人仲敢唔敢去香港? 香港政府做多啲嘢喇,天眼冇乜用呀!

-------------------------------------------------------------------

帶隊遊香港後記:

喺香港時便利店集印花換嘢.鬆弛熊我又啱(正一宅男一名!)短短喺香港嘅時間已經換咗兩隻杯喇.

今次見香港多咗呢間便利店.係咪華潤架?乜香港便利店仲有market咩? 咁FamilyMart應該要黎香港啦.

因為有日買餸, 黎咗Pacific Place.

奧地利品牌

嗰度間超市有德國出嘅維也納腸.

而呢隻真正奧地利出品.係即食乾肉腸.

喺blog見人講,返黎C都記住買番罐飲.可惜冇結冰可樂.

以前我話奧地利酒冇出口,今次要改口,喺Oliver's見有(H字嗰隻)呀. 奧地利太多酒牌子,我唔識呢隻.

Schlumberger汽酒係維也納名牌黎架.呢邊賣10歐.咁遠運到黎香港,賣$149, OK啦.

以前聖誕期間我一定去Oliver's睇吓有冇Advent calendar. 今次都留意吓有冇,特價$20咋平過維也納.大家都應該知我買咗邊款啦.居然12月頭再去,減到$10. 好多OL掃呀!

喺灣仔英王個商場發現咗有間精品店專賣鬼佬characters. Simpsons都有架,但係全部喺維也納見過.

上環呢間法國雜貨舗,我喺南法時食過嘅Cassoulet呢度有罐頭賣.

喺灣仔地鐵附近呢間舗好有日本菓子屋feel,賣啲嘢其實係賣日本嘢嘅舗頭都搵到,冇特別.

以上都係講買嘢買嘢. 朋友哋對香港嘅印象都好好. 佢哋話香港地鐵快啦,又唔使點等. 機場啲人做嘢又有效率. 食嘢平. 住就...太嘈喇.. 仲有仲有香港好凍呀!