Dachstein賭大細

5月29.

上一篇我話想去Hallstatt附近Dachstein個山頭,但係又想去參觀Hallstatt個鹽礦洞.時間關係,只可以選其一. 最後決定去Dachstein. 呢日天陰陰.上到去都唔知睇唔睇到嘢.好似賭大細咁.

往Dachstein 嘅吊車站喺Oberstraun鎮. 有多種門票. 我買咗Combi-ticket, 33歐,包來回三站吊車,參觀兩個山洞, 一幅紀念相.

遠處就係Hallstatt.

吊車每15分鐘一班. 只有第一站有一間紀念品店同餐廳.

紀念品店收銀有印仔吸.

車站有個counter book兩個山洞嘅guided tour. 佢畀嘅時間啱啱好架. 車站出邊有個博物館.

由呢度行大約廿分鐘上山去睇冰洞Ice Cave先.個tour只有德文,但係門口有一本本英文解說,可以拎住一路行一路睇.入去之前攞張飛(可揀英文).

首先睇吓個宗鐘乳洞,其實冇嘢睇.

跟住黎到冰洞.呢度長年零度同好濕.記住帶禦寒衣物同防水鞋.

啲冰係全天然,裡面唔會有紅紅綠綠嘅燈.

呢度好深架,跌落去死硬.

之前攞嗰張飛喺出口度有部機,放入去會印畀你睇你用咗幾耐行同呢段時間有乜加速地球暖化.

(註>旺季時呢度唔畀影相架.因為怕阻住個團嘅進度).

行番落山,小休一會,又去另一個洞Mammut Cave,又行大約廿分鐘.嗰度就係入口.

呢個天然山洞好長, 好似條隧道咁. 但係同長毛象冇關. 叫呢個名係因為呢度大.

天然雙色

40分鐘後睇完,再搭一程吊車上Krippenstein搵5fingers.

人行我又行,都冇睇指示,以為遠處個金屬建築就係.原來嗰個係World Heritage- Spiral Viewpoint.

係Krippenstein最高點,海拔2108米.

跟番指示行,乜風景都睇唔到.太大霧喇

5fingers.

大霧有個好處,畏高都唔怕.

天氣好應該係咁架.唯有下次再黎囉.

再一程嘅吊車原來6月先開.都冇所謂啦,呢日睇唔到嘢嘅.

參觀Dachstein用咗大半日,大開眼界. 33歐值!