Prater 遊樂場

 6月2 Prater 遊樂場邀請業界參觀。同時介紹新一季有乜新搞作。

呢日天氣相當好。

 首先嚟到一間歷史悠久嘅餐廳Luftburg.

最近裝修完畢，改走高檔路線。

之後搭"火"車。（我第一次喺維也納坐）

保持社交距離

嚟到一個過山車。已經七十幾年㗎喇。

由知名beatboxer介紹兩個challenges。

Challenge 1＞可以租架車，地下放啲障礙物，一人用口導航，一人背向揸車。

Challenge 2> 坐過山車搽唇膏。當日有靚女示範。

玩咗一轉（冇唇膏）

車身真係幾舊吓。

BTW 嚟呢度玩要有3G證明（德文＞Geimpft 接種疫苗，Getestet 檢測，Genesen 痊癒）。冇嘅可以即場驗，有強制醫保嘅費用全免。

下一站嚟到遊樂場最古老嘅鬼屋。

社交距離。

相中見到工作人員要用人手推架車入去。

然後可以試玩最新嘅設施。高45米，時速110公里。

（因為當日係我打第二針嘅第二日，個人唔係太妥，都係唔玩嘞）

下面呢個係畀人坐嚟影相。

跟住去一個室內遊戲。

原來係模擬賽車。

睇完人玩就去咗呢間新開嘅餐廳食BBQ（燒牛肉）。

餐廳亦有兩間木屋，可以book嚟搞私人BBQ。

圍爐取暖？唔知夏天熱唔熱。

亦可以book露台搞party。

休息完又去試玩。

又係新開嘅。

都OK刺激嘅。

玩完新嘢，又玩舊嘢。。。。

瀡滑梯！ 35年㗎喇。

而呢個18XX年開嘅旋轉真馬，因近年動保人士嘅抗議，摺鬼咗。遲啲呢個位會開cafe。

  最後嚟到維也納知名嘅餐廳Schweizerhaus食lunch。舊年啱啱係開業一百週年。

必點嘅啤酒。啲泡杯杯都高到呢。（借人影）

沙律好味。

豬手呢度最出名。上枱時侍應已經幫你起骨。一隻約1 kg喎。當然係食唔晒啦. 個個都打包。

我鍾意食豬手，但係呢間我嚟咗咁耐只係去過一次。因為嗰次食嘅超鹹（在座嘅個個都同意），我blacklist咗佢。今次就啱啱好，好味, 啲皮又脆。Good!!