印度咖喱薯仔

喺科隆時友人煮咗個咖喱薯仔，係跟一本印度食譜煮㗎。好好好味呀，於是我影低個食譜，返到嚟維也納我又整。

預先準備有兩樣嘢。
洋蔥汁（約四次份量）＞兩個大洋蔥，三個番茄，3.5cm 長嘅薑，五瓣蒜頭，三四條青辣椒，四湯匙白醋。將所有嘢打成蓉。

Garam Masala (約四次份量）> 三湯匙荳蔻籽Kardamomsamen，三條2.5cm 長嘅肉桂，半湯匙孜然 Kreuzkümmelsamen，半茶匙黑椒，半茶匙丁香 ，少少肉豆蔻。

 

四湯匙洋蔥汁煮五分鐘，加入700g 熟薯仔件，半茶匙黃薑粉，半茶匙辣椒粉，3/4茶匙鹽，一大執糖煮兩三分鐘。然後加175ml 水煮至收汁。離火後撈入半茶匙 Garam Masala。