Hamburg Day 2

9 月27; 酒店因為冇包早餐。需加每人19 歐。傻㗎咩，住市中心大把選擇，梗係出面食啦！

無意經過一間漢堡地區嘅麵包連鎖店。幫襯咗兩次。食咗呢個漢堡名物 Franzbrötchen，類似壓扁咗嘅肉桂卷。超級甜。

往呢日目的地途中嘅轉車站見到呢座應該係漢堡最大嘅爛尾樓 Elbtower。

因為臨時封路，幾經轉折終於到達目的地。

飛機廠導賞團。一大早已經book 咗。30 歐一位。

未進場先睇吓啲紀念品。

有幸喺呢個導賞團見到呢隻機起飛。

個導賞團話只可帶一件細小嘅隨身物品。細成點呢佢又冇講喎。目測普通嘅背囊都可以入。

漢堡呢度主要係製造機身中段同組合made in 其他地方嘅部份成一架飛機。（法國，英國，中國都有廠）

我個人覺得個團有啲悶，因為星期六冇人開工。

之後適逢做空少嘅友人亦喺漢堡，於是再約埋住喺漢堡附近嘅友人出嚟飲嘢吹水。

夜晚想去一間 club，點知過咗入場時間唔入得。於是轉移陣地去當地有名嘅紅燈區。

幫襯吓食洋腸。

冇叉用嘅? 問佢攞叉佢又反白眼喎。

見隔籬乜有條紙條拎住條腸嘅?  再睇睇我嘅紙碟，原來側邊可以撕條紙條出嚟架。真係鄉下仔出城。

經過呢條巷，有圍板，但係好多有出出入入喎。

原來係成條街都係金魚缸。

比堅尼女郎坐係櫥窗等客。波濤洶湧，好多明顯打假波。有興趣嘅佢會打開窗同你議價。

圍板貼咗18歲以下同女性不可內進。

當晚有兩名女遊客誤闖，被比基尼女郎用水槍驅趕。

目測好多呢啲紅燈區導賞團。