泰國 Day 2 Ayutthaya

12 月 30 早餐後大家同意去郊遊，參觀文化遺產Ayutthaya。

因有人遲咗十分鐘匯合，去到中央火車站時剛好錯過咗班火車。下一班要等三個鐘。於是問問Google，喺另一個站出發有另一班車往目的地。

只剩企位，車內冇冷氣。

門常開，等通風。

約個半鐘到達。

一出火車站就有人兜售半日團。我哋冇興趣。

有人話睇吓租單車，附近嘅都畀人租晒嚕。

於是決定用腳行。行約一個鐘。

半途喺間唔顯眼嘅cafe hea一hea。過冷河。

要買入場券。

友人們真係冇plan 的。其中一位以為係睇廟宇，點知係遺址嚟，佢有點失望。

貼心服務>共享太陽傘。但係只有一種語言嘅溫馨提示。

洋紫荊?

原來個頭好細的。

三點幾，喺附近嘅街邊檔醫肚。

回程有位坐。

到咗火車總站嘅Bang Sue，剛六點，突然車站奏起嚴肅嘅音樂。見識廣博嘅我（其實係睇埋啲唔實用嘅小知識）即刻叫團友們唔好郁，呢首係國歌。見本地人全部立正，完咗仲鞠躬添。

之後分頭活動。我去Mo Chit站攞預先訂嘅火車飛。

呢度有個連接Bang Sue站同Mo Chit 站嘅通道，有舖頭可以行。有人突然話要飲珍珠奶茶。幫襯咗之後先知原來係呢個品牌。

我就一定要去Central World。落車經過呢個Mall。當時應該係有個男團表演。尖叫聲不斷。

嚟呢度想買迪士尼泰國特別版周邊。

好多人打卡。又正遇到表演，逼爆。都係放棄，去商場食dinner 算。

8點嚟到，想食壽司郎。點知要排一個鐘。咁夜先食得，放棄啦。

轉移去咗カレーハウスCoCo壱番屋。埋單約十一歐一位。唔平。

行去最近嘅BTS返酒店，經過四面佛，正在做神功戲。