沈浸式話劇

 4 月 24 同友人們去咗Schloss Tribuswinkel，嚟個新體驗＞沈浸式話劇。

參加前須知：（AI 翻譯）

請穿著黑色、保暖衣物，並著舒適鞋。活動部分時間會喺戶外進行。

到場安排：

18:15–18:50 入場，19:00 準時開始（約3小時），遲到不設入場。最低年齡14歲。建議使用公共交通。

活動期間：

無固定座位，需要步行穿梭不同場景，並可能與同行者分開。觀眾可與角色互動。禁止拍攝或錄影。

活動後：

設有自費餐飲及交流環節，歡迎與演員及其他觀眾分享感受。

三個鐘冇中場休息，食飽飽先入場啦。

城堡約百年前賣咗畀維也納政府做孤兒院。依家係啲兒科診所，辦公室。

好認真，入場人士都會有張追思卡。

神父係演員扮演。

故事內容（AI翻譯）

Heinrich Angerer 已經離世。佢一生充滿意義，並以基督教嘅愛與關懷服務他人。應佢本人遺願，公開告別儀式將喺 Schloss Tribuswinkel 舉行。不過，呢個活動並唔只係傳統追思會，而係一個沉浸式體驗，邀請參加者親身了解佢嘅一生，並作出自己嘅判斷。

好似資料所講＞出席完 "追思彌撒" 之後，觀眾會分成小組，被帶到唔同嘅房（場景）。繼續睇故事發展。有時會再分小組，被帶出個場景。

演員會同你講嘢，互動演出。呢個好考演員嘅即時反應。讚！

小組去嘅場景，劇情可能會唔同。但係所得嘅故事背景會係一樣。因為最後所有人都會一齊睇故事結局。

完場後同咗一位演員交流。佢話因為場景唔同。有啲人會嚟睇幾次㗎。

評語>

三個鐘要我沈浸喺德文語境。。。當然去到一半腦內嘅即時傳譯員已經罷工，冇聽落去。但係呢個形式好特別。欣賞。