久休復出

人哋久休復出我都有嘢講。

話說佢未病發前我已經買咗佢維也納演唱會嘅飛。點知因健康理由，所有巡迴演唱會無限期取消。

今年某日見報導話喺巴黎到處掛咗有佢啲歌名嘅橫額，有跡象會復出。於是就喺官網訂閱電子通訊，緊貼最新訊息。

咁真係復出喎，演唱會喺巴黎。咁啱我嗰個時候亦會喺巴黎。於是又登記抽粉絲預售名額。

佢可能見我依家先登記電子通訊，都唔係忠粉嚟㗎啦。當然抽唔到。要正式開售先可以買。

正式開售日特登 WFH，咁可以捕實喺電腦撲飛。等呀等（電子人龍）三十分鐘後到我喇。。。點知只係剩低 VIP 飛。五百幾歐一張。我邊咁有米吖。算啦，無緣。

呢篇 post 出嘅時候，我已人在巴黎 。。。