2020年9月13日星期日

速遞失件

之前話速遞失件好正常嘅。今次就講吓我個真人真事啦。

話說有份公事文件等住收。預定收件嗰日就不停check住個送件status。等等等。。。網頁話送達。再等等等個OA都仲未拎嚟畀我喎。於是走去reception度問啦。Reception嘅同事們都話冇收過。

(相片與本故事無關)

咁當然問客服啦。回覆係有人簽收咗啦, 仲send埋個簽名copy畀我添。

於是我拎住個簽名去reception問罪啦。Reception嘅同事們話都冇人個簽名係咁嘅。 

死無對證。唯有叫人出多次文件,聽日搵OA開車去攞啦(份件係喺另一個鎮).

第二朝,OA未出門,份件已喺枱面??? 

原來個速遞將件嘢就咁放咗喺樓下嘅信箱,自己簽收。而秘書只會隔日先去開信箱一次。

故事話畀大家知速遞懶到連上樓都費事(已經係有𨋢㗎喇,冇𨋢嘅樓真係唔可以想像)。

------------------------------------------------------------------------------------

講開啲速遞。如果派件時冇人收,咪應該有張紙貼喺度叫你去邊度攞嘅。問題有二>

 一> 呢度啲大廈冇看更。生埗人入唔到嚟。咁張紙就會貼喺大廈門外。如果風吹雨打,張紙會唔知去咗邊的。

二> 好多時啲速遞唔知係咪地址盲嘅。九唔搭八嘅地址可以貼咗喺你大廈門。見係隔籬大廈嘅,好心我會貼番過去。唔知邊條街嘅就有得佢㗎喇。

結局當然係冇人領件,件嘢隔一段時間會退番畀寄件人啦。

(如果上門冇人,件嘢會放喺合作伙伴嘅舖頭,等你攞。)


 

20 則留言:

  1. 我聽說有些地方上門冇人會叫隔離鄰舎代收。

    回覆刪除
  2. 香港而家d郵差都成日投錯件
    d件d字太細都有關

    回覆刪除
  3. 呢D速遞如果去做外賣仔, 係咪又會就咁放係度?

    回覆刪除
  4. 在4月時,我經FEDEX寄 3x 10 kg 返香港,door to door 很安全,時間在預期內,無破損,幾好。

    回覆刪除
    回覆
    1. 我之前睇過德國比較唔同速遞嘅服務。唔記得FEDEX嘅表現係點。

      刪除
  5. 係『奧』速遞員作弊冒簽,投訴佢啦!炒魷魚。
    咁多年來,喺我工作過嘅中、港、美都冇發生過咁失責速遞員。

    回覆刪除
    回覆
    1. 呢度啲服務係咁,投訴都冇用。

      刪除
  6. 好多時全世界速遞都係自主性為客人簽名 費事再聯絡你,時間就係金錢

    回覆刪除
  7. 我早排都試過, 追咗一星期都未見影, 諗住揾唔返. 後來唔知個boy 係邊度揾返出來, 懷疑佢 send 錯去隔離大廈

    回覆刪除
  8. 香港郵遞係有不好,但我未聽過可以離譜到咁囉.

    回覆刪除

入咗嚟,不如寫幾隻字,留個言啦.