2015年2月28日星期六

冬巡後記

呢次冬巡仲有啲垃雜嘢想講吓.
某大百貨公司有科隆嘉年華佈置。






City hall見有人結婚





雀仔lego好似係新出品.
結婚人仔乜組合都有.
紅色呢棟右上好似甩咗外牆咁.
第一次見學行耶穌。
剪影
某廁所有呢個小朋友用品.

肉桂條好耐冇食過,即買一條。
Gooseberries奧地利唔常見。某cafe有gooseberries嘅cake。。。好鬼酸。
未有雪唯有咁啦.
一有雪,到處都有雪人出現。

呢個幾好,唔只係圖書館,有唔要嘅嘢又想同佢搵番戶好人家收留,可以拎佢嚟呢度.
德國薯片味道選擇真係多過奧地利。 呢度只食咗漢堡味.味道淡淡,麻麻地.冇下次. 冇酒精汽酒,似飲蘋果汁開有氣水. 又係冇下次.
呢個trip只係見德國有特別汽水罐。
去過Düsseldorf同埋荷蘭嘅Maastricht. 因為只係去入貨,冇出blog.
右邊係Düsseldorf日本超買嘅。左邊係荷蘭超。咁大罐罐頭魚未見過,又買。
去荷蘭主要目的係去中超,因為比較多港貨。
講開中超有古仔講。 
話說紙包飲品係一pack六包。收銀嘟完發現其中一款佢只係嘟咗一包,唔係六包. 咁佢話佢嘟番我五包啦.之後我check吓兩張單。。。吓? 乜五包仲貴過我買六包㗎?!梗係同佢講啦. 我仲要教佢點計佢收多咗我幾錢添. 真係塞錢入佢袋。(好彩可以用廣東話溝通咋)
冬巡系列完滿結束。 依家我新春行大運中。 呢個系列不日推出.

44 則留言:

  1. 回覆
    1. o係香港我都好少買福字麵架.

      刪除
  2. 點解個雪人個樣咁猥瑣嘅......
    德國薯片你有冇食過〝非洲味〞?有d似卡樂B咖喱味薯片架

    回覆刪除
    回覆
    1. 非洲味食個喇。麻麻地啫.
      你講一講, 好想食卡樂B咖喱味添.

      刪除
  3. 同我所知嘅西方結婚唔同!唔會有一大班男人(有老野架又唔似兄弟)訂造一套結婚制服(有嘅都係黑白色為主,亦都唔會有咁多兄弟),姊妹至會咁做。你無影到姊妹團?

    如果無咗藍色花紋,頂白帽個式樣似初級厨師帽。

    回覆刪除
    回覆
    1. 呢個應該係一啲特別嘅社團,有制服,唔多女士㗎。

      刪除
  4. Lego HeHe都有.
    耶穌學行好得意.
    肉桂條有個鬼鬼係女人街開左檔.
    台灣都有好多香港冇既薯片, 泰國炒辣蟹都有.
    包Kessel Chisp係樹薯片, 港地賣好平.
    你行到腳趾尾未.

    回覆刪除
    回覆
    1. 女人街開左檔都唔關你事啦,你都唔食.
      Kessel Chisp港地賣好平? 有幾平???
      呢個系列完啦. 新嘅好快出.

      刪除
  5. 你都買了炒麪王!
    CX就黎直飛Dusseldorf !

    回覆刪除
    回覆
    1. 炒麪王今日o係Berlin補咗貨。
      直飛Dusseldorf...如果你去食日本o野咪多一個選擇囉. 哈哈.

      刪除
  6. 我以前去荷蘭都會去中超入貨,佢地賣的中國菜平英國一半架。

    回覆刪除
    回覆
    1. 菜唔會買返維也納所以都冇睇有幾平。

      刪除
  7. 同你一樣,我都係第一次見雀仔Lego, 第一次見耶穌學行

    回覆刪除
  8. 藍色果啲係咪伴郎團?
    蘋果有氣水個樽幾靚

    回覆刪除
    回覆
    1. 呢個應該係一啲特別嘅社團,有制服,唔多女士㗎。
      汽酒係用呢d樽嘛,咁冇酒精汽酒咪一樣用同一款樽囉.

      刪除
  9. 王子新春行大運中........桃花大運 XD

    回覆刪除
  10. 哈哈…咁你就過咗個冬天,很精彩啊!

    回覆刪除
  11. 個婚禮好似有班快餐店員工走出嚟幫手助慶咁 :p
    又買星洲即食麵,即係你鍾意式啦 ;-)

    回覆刪除
    回覆
    1. 哈哈哈. 似喎.
      鍾意佢個湯咋.個麵麻麻.

      刪除
  12. 我覺得lego砌出來的擺件,好似打咗格仔咁!!! 哈哈

    回覆刪除
    回覆
    1. 森兄係咪睇得多打格仔嘅o野呢?

      刪除
  13. 阿王子仍是要周圍出巡...

    回覆刪除
  14. 我覺得雀仔lego靚過人仔 , 你一次過入咁貨有排食 lu .

    回覆刪除
    回覆
    1. 要食可以好快㗎。日日食都得。

      刪除
  15. 耶穌學行我都係第一次見

    回覆刪除

入咗嚟,不如寫幾隻字,留個言啦.