2015年12月4日星期五

蛋我只係去某超市買,因為佢最平。

盒面列咗到期日,XX日期前出售。奧國貨,冇基因改造,指定標準嘅黃豆餵飼。
 而每隻蛋都有編號。
分別係種類,產地,農場,到期日.
0 係有機. 一平方米只可以有6隻雞。 走動空間要有8平方米。奧地利再嚴啲,要有10平方米。
買平蛋我都有要求的。有機我唔多信,極少買。多數我買一號。走地雞蛋。走動空間奧地利有8平方米。雞隻可自由散步。
二號都係極少買. 因為冇花園散步.
呢個喺啲video見過 .雖然都係走地,但係喺室內,不見天日. 見佢哋咁慘,所以盡量唔買。
三號雞籠養。 奧地利係禁咗,所以係買唔到三號蛋的。
一號大size, 一盒十隻,2.1X歐。最平㗎喇。

39 則留言:

  1. 睇過篇文話老雞生大蛋,嫩雞生細蛋,話揀細蛋好啲。
    喺歐洲對他國家嘅2 、3號蛋平過1號蛋幾多呀!

    回覆刪除
    回覆
    1. 細蛋好啲係好味d?
      我冇留意係差幾多錢添。

      刪除
  2. 我地買一定係買寫住 plein air

    回覆刪除
  3. 用籠養雞,實在不人道!

    回覆刪除
  4. 回覆
    1. 香港唔係太多人關心啲雞嘅居住環境。

      刪除
  5. 咁雞呢,有冇分1號2號咁賣o架?

    回覆刪除
    回覆
    1. 冇留意添。我買開間超市只有走地同有機雞.

      刪除
  6. 美國呢邊無奧地利咁講究。不過我都盡量買有機或者Cage-free蛋。。真係好無陰公。。不見天日咁比人養大。。。諗下都覺得好慘。。

    回覆刪除
  7. "... 一平方米只可以有x隻雞。 走動空間要有x平方米..."
    好details..又好似有番d良心嘅做法,真係多謝介紹,唔係唔知會有d咁嘅制度,o係香港..我而家見到寫有機嘅野都唔會盡信了...

    回覆刪除
  8. 外國的蛋都有咁多分別, 香港就無咁講究LU~~
    困住養個D睇見都好慘~~

    回覆刪除
    回覆
    1. 香港唔係太多人關心啲雞嘅居住環境。

      刪除
  9. 買蛋都有真正選擇,雞的走動空間也注明,真無得頂

    回覆刪除
    回覆
    1. 香港唔係太多人關心啲雞嘅居住環境。

      刪除
  10. 雞蛋都有咁多管制 , 相信做你地嗰處的人民真係好幸福 , 我衹買美國蛋但冇留意盒上有咩講的 .

    回覆刪除
    回覆
    1. 我喺HK時都冇留意啲雞蛋盒寫乜.

      刪除
  11. 我冇咁講究,以前都會買下農場蛋,但而家就好求其,唔同有啲西人幾貴都捨得買。

    回覆刪除
    回覆
    1. 我估佢哋係唔想支持唔人道嘅農場。

      刪除
  12. 一平方米只可以有6隻雞,係big6一定啋你都傻。

    回覆刪除
  13. 我整蛋糕就買平蛋,用來食就買靚蛋,但唔會買 cage eggs。

    回覆刪除
    回覆
    1. 原來你度可以買到cage eggs㗎。

      刪除
  14. 港蛋商唔會分雞的活動環境, 就算分都冇人信....
    況且港人買蛋多數只揀佢平定貴...

    回覆刪除
    回覆
    1. 當你知道啲平蛋係點嚟就唔多想買。

      刪除
  15. WA...蛋都咁有研究呀.....我是旦係街市買...唔知點養TIM~

    回覆刪除
    回覆
    1. 香港唔係太多人關心啲雞嘅居住環境。

      刪除
  16. 嘩,2.1X歐咁平,我度啲無寫明係cage free都要三蚊
    有寫明cage free(即你嗰度嘅2號)$3 - $4
    free range(即你嗰度嘅1號)我好少見,唔記得幾錢
    有機就$4.5以上,$6, $7, $8 都有
    除咗唔好買雞籠養嘅雞同雞蛋,仲要唔好買有animal testing嘅產品(番皂,洗頭水之類),animal testing都係虐待動物,好慘㗎

    回覆刪除
    回覆
    1. 乜咁貴㗎,要自己養雞取蛋先得。
      animal testing嘅產品我冇留意添。

      刪除
  17. 我多數買幅射蛋 (日本蛋),在日式超市買,標籤寫話係產自日本,唔知真不真,不過就是覺得蛋味濃D, 所以幅射也買呀!

    回覆刪除
    回覆
    1. 我細個時亞媽會買大陸蛋,因為美國蛋唔香。

      刪除
  18. 香港要買入口organic egges 坐底50幾蚊半打, 勁貴!
    2歐真係堅平

    回覆刪除

入咗嚟,不如寫幾隻字,留個言啦.