2016年1月10日星期日

疑惑

有blog友匯報喺尖咀開咗間奧地利百年老字號麵包店麥上日光。(取自佢facebook嘅logo)
我鄉下仔喺呢度真係未見過呢間嘢,
Google一吓,符合百年老字號條件嘅只有下面一千零一間麵包製造廠。聽講佢出嘅Schaumrolle好出名。 
即刻有好多疑問. 首先百年老字號嚟到香港做乜改咗自己個logo嘅呢? 仲要有個九唔搭八嘅中文名添喎。疑似香港店個logo中嘅G字仲要係冇咁截.
另一疑問係佢奧地利都冇開麵包店,做乜會去香港咁遠開間唔係自己擅長嘅業務呢? 
喺海外開分店應該好自豪,但係佢homepage提都冇提。(好!我當你未update得徹)。
疑似香港店放棄百年老字號嘅傳統,唔賣奧地利包。改賣港日台式。(好!我又當你賣奧地利包喺香港冇market)
香港店其實係咪假嘅呢? 我已send email去問奧地利嗰間佢哋同疑似香港店有冇關係. (但係以呢度做嘢嘅態度,我唔expect會有回覆). 如果係造假,咁誠信好有問題。香港店話嘅沿用最傳統九日培植天然酵母,加入台式手工麵包的製法都唔知信唔信得過喎.
btw喺百年老字號個website copy咗啲奧地利常見嘅麵包款。
甜食.













Strudel
齋麵包








49 則留言:

  1. 看來假的多!
    麪包我愛吃!

    回覆刪除
    回覆
    1. 下面有blog友解開咗疑團.呢間係一間強國公司。

      刪除
    2. 今日有免費報紙介紹呢間鋪

      刪除
    3. 啱啱睇咗.
      呢間o野見報率好高,個個都中咗佢計。

      刪除
  2. 我覺得係台灣公司, 唔知點解
    其實好多話歐洲野, 都只係公司係歐洲開, 係呢邊都無見過架

    回覆刪除
    回覆
    1. 下面有blog友解開咗疑團.呢間係一間強國公司。
      公司係歐洲開>> 好似我去睇傢俱展,香港參展商你睇佢啲工作人員都係強國人.好明顯係喺香港開公司就話自己係香港嚟。

      刪除
  3. 我懷疑係買個名俾香港,唔係真係奧地利總店開架

    回覆刪除
    回覆
    1. 下面有blog友解開咗疑團.呢間係一間強國公司。似係偷咗人個名。

      刪除
  4. 香港地有本事搵d所謂名人明星, 將外國一樽普通既樽裝水吹到有咁大得咁大, 飲左好似識飛咁本事,
    整間麵包店咪又係咁加個奧地利頭銜上去, 就可以高人一等, 願者上釣.

    回覆刪除
  5. 真假我都冇乜機會幫襯。一定係貴嘢。

    回覆刪除
    回覆
    1. 下面有blog友解開咗疑團.呢間係一間強國公司。

      刪除
  6. 你post 的包包大多都是 Danish pastry!

    回覆刪除
  7. 非常可疑!!!
    如果你google "guschlbauer (hong kong) limited",會見到個中文名變咗「愛焙客」,如果你google 愛焙客,會見到其實係一間喺山東嘅公司,我copy and paste 佢哋post喺其中一個揾工網嘅公司介绍比你睇:

    爱焙客集团成立于2012年,旨在发展国内西餐、烘焙及西方食品市场。爱焙客食品有限公司旗下有Acake Paris巴黎一刻、Freshone 西餐厅和Guschlbauer欧诗焙三个品牌。未来三年预计突破200家门店,重点拓展山东、四川、浙江、上海、湖北等地,形成餐饮、烘焙及食品超市的综合业态。
    Acake Paris是以面包、西点、咖啡、生日蛋糕为主的烘焙品牌直营店,已进驻凯德置地...

    凡係大陸野都信唔過,如果你收到奧地利嗰邊回覆就向大家報導一吓啦 :p

    回覆刪除
  8. 沿用最傳統九日培植天然酵母》》真係有啲流,天然酵母成本咁高,好難用喺大規模生產,通常都係自家做包,或者係貴價餐廳先會用

    回覆刪除
  9. 打造假名牌賣貴價包$30個,比香港無品牌麵包舖$5個,個集團好識做生意喎!
    你個邊嗰間真嘅賣幾錢個?
    不過,真真假假唔重要,如果好食過你嗰邊個百年老店,接受新野又有乜問題,唔好崇洋同虛榮品牌,相信自己條脷。

    回覆刪除
    回覆
    1. 個集團就係捉人崇洋嘅心理。扮貴價.
      真嘅嗰間佢都冇零售,唔知幾錢喎.

      刪除
  10. 呢間咁高檔麵包我未聽過,我住悲情城市天水圍,食開嘅係舊式麵包舖嘅麵包,特別好味道架!

    回覆刪除
    回覆
    1. 特別好味道係幸福城市啦,唔係悲情

      刪除
  11. 王子兄對包舖,真係細心探究~~我求其都得!!

    回覆刪除
  12. Oh! Maybe this is a fake Austrian bakery.

    回覆刪除
  13. 咁係咪山東佬收購咗你果間百年老店?

    回覆刪除
    回覆
    1. 收購咗>>唔似囉. 佢個logo cut咗個G字,似係唔識書法嘅人design o既.

      刪除
  14. 用個外國招牌,狸猫都會變黎明喇~

    回覆刪除
  15. 今日响免費報紙有專文介紹呀!週日經過仲有大約十多人排隊!

    回覆刪除
    回覆
    1. 啱啱睇咗.
      呢間o野見報率好高,個個都中咗佢計。

      刪除
  16. 回覆
    1. 我知強國好興假扮啲海外公司嚟開分店,原來呢個風氣已經吹到HK。

      刪除
  17. 期待奧地利間公司RE你既Email


    珮夫人

    回覆刪除
  18. 好多店舖都話遠年 , 香港某超市都話超過60年都唔知真定假 ?

    回覆刪除
    回覆
    1. 我講呢間好明顯仲衰。攞人嘅歷史話係自己。

      刪除
  19. 即係好似呢間咁 ==》http://www.miniso.jp/

    有埋日本網站架,但流住百分百大陸血呀。

    回覆刪除
    回覆
    1. 呢間好唔得喎,扮都扮得唔似嘅。日文版突然有啲中文。

      刪除
  20. 好彩有來探你才知呢間係假野,否則中伏也唔知.

    回覆刪除
    回覆
    1. 扮到好真.強國好興假扮啲海外公司嚟開分店o既風氣已經吹到HK。小心.

      刪除
  21. copied from 東周網

    百年奧地利品牌 首開烘焙麵包店

    Eastweek

    尖沙嘴金馬倫道近日有一新鮮現象,迎面而來的途人手上皆拿着一個,甚至多個麵包,急不及待地細味品嘗!有如斯魔力的,是來自奧地利的烘焙品牌麥上日光(Guschlbauer),創立於1919年,有近百年歷史之久,以往在歐洲一直憑自家培植的天然酵母烘焙健康手工麵包,供應予酒店及星級食肆。不過是次登陸香港,卻首次開設專門店售賣麵包;原來背後合作的飲食集團,本有開麵包店的經驗,於是利用品牌的技術,炮製出香港獨有的麵包款式。
    麥上日光的自家培植天然酵母發酵,嚴選高質提子乾、啤酒花、麥胚芽等天然原料,再以低溫形式經過九日時間發酵,是故用來製作麵包,分外香軟,每一口皆充滿天然發酵的醇香,更切合刻下講求健康飲食的理念。
    香港店約有三十款麵包供應,招牌作如奧地利99度五層流心芝士軟歐,芝味香濃,質感軟綿,非常可口!另卡門貝爾、海龍蝦將、蘑菇兄弟、洛神花星星、牛油果果、枸姑娘等都是出色之作,難怪開業短短一個月左右,已成為超人氣麵包店。

    奧地利99度五層流心芝士軟歐 $20/件、$70/4件(每日限售500件)
    自家招牌作,焗好香軟的麵包後,再分五層塗上自製忌廉芝士,芝味異常誘人!


    枸姑娘、卡門貝爾 前/$35、後/$30
    前者用上中式食材如枸杞、南瓜籽等,健康有營;後者為奧地利當地的傳統麵包,香軟可口。


    紫薯美人 各$24
    用的是軟心紫薯,內裏還有柴薯粒增添咬口,加上誘人的淡紫色外層,女生必愛。


    麥上日光
    地址︰尖沙嘴金馬倫道32至34號福僑大廈地下D鋪
    電話︰3956 5437

    回覆刪除
    回覆
    1. 99度五層流心芝士軟歐奧地利係冇個囉.

      刪除
    2. 其實如果賣啲原店沒有的東西,又何苦用人地個名呢!

      刪除
    3. 有個歷史悠久嘅背景係一個賣點嘛.冇o既都要老作啦.

      刪除
  22. 巴打 你收到 奧地利既reply 未呀?

    回覆刪除
  23. 巴打 咁你收到奧地利REPLY 未呀 ?

    回覆刪除
    回覆
    1. 冇回覆(奧地利通常係石沉大海)

      刪除

入咗嚟,不如寫幾隻字,留個言啦.