實地考察 (下)

呢次出巡最主要係去Hluboká nad vitavou參觀呢間酒店。
可能係weekend，到達時又係下晝。畀我感覺呢度好多遊客，仲有好多係單車客。但係夜晚就冇乜人喺街了. (相係喺夜晚影的)

我啲客最關心嘅嘢.要影相做個紀錄。

午餐喺酒店食.呢個野豬配buckwheat非常好食.又唔貴（奧地利標準）。220 CZK

酒店斜對面新開嘅啤酒廠。

細細間.只賣啤酒。

啤酒都係自家釀造。

酒店隔籬有一間中餐京滬人家Restaurace Jinghu。賣鬼佬中餐又做團餐的。

由酒店行上山上嘅城堡大約十分鐘。懶嘅可以搭呢啲觀光火車，紅色車係會上城堡的。旅遊巴應該係上唔到嘞.

山上首先見嘅呢座只係一間酒店。

好似話係以前城堡啲工人住嘅地方。

到咗 Hluboká nad vltavou castle。下晝影相最佳。

城堡係Schwarzenberg貴族嘅(即係Cesky Krumlov城堡同一個貴族). 而家係國有.

入內參觀要join guided tour, 唔同route唔同價錢。揀咗Representation Rooms, 260 CZK

牆上有好多鹿頭裝飾。睇睇吓隻隻嘅角都唔同.係真鹿角嚟我估.

唔可以影相的。偷影咗少少咁多啦.

第一次見啲房全係木牆,木天花.大開眼界. 
但係個tour就麻麻. 一來個guide英文唔多好.佢只係喺度背書。二來有一個家庭有兩個三四歲嘅細路。小女孩初初好興奮，好想睇公主啲房。但係好快就失咗興趣, 不停講嘢。搞到都唔係好聽到個guide噏乜.

睇完就繼續睇隔籬嘅藝術館Alšova jihočeská galerie。70 CZK

前身係城堡嘅馬房。

常設展館古今藝術品放喺一齊。
特別展館展出已故捷克藝術家Victor Vasarely嘅作品. 好colorful，我幾like .唔知可唔可以影相,所以冇影.

另一個特別展係第一次世界大戰嘅posters.

英美法捷奧嘅posters都有.

睇完出嚟天都黑晒，想落大雨。馬上走人,都冇圍住城堡外面行一圈。

雨過天青。之後去咗鎮中一間五星酒店享用佢嘅設備。第二朝再去參觀佢啲房。間酒店只有三十幾間房。特別嘅係酒店附設整容醫院。

夜晚去搵食.食肆都係集中喺所住酒店附近。

但係越行越遠。終於見有餐廳就入去啦. 
餐牌只有捷克文。即係本地人去㗎啦. 但係侍應話搵個英文餐牌,等咗好耐都唔見人.係咪佢即時問google大神呢?.....似乎冇估錯。佢喺個捷克文餐牌度逐個手寫英文。

叫咗個亞洲雞。105 CZK，好平。但唔好期望太高,只係快餐質素咋。

食飽就行吓.見有露天藝術品。

証明呢度好多強國遊客。

星期日朝走人.街上唔知做乜有人表演。有位強國大媽聞歌起大媽舞。眼都凸！

行錯路但係有個靚景。

臨離開去望吓個Zámek Ohrada宮殿。而家係一間守獵博物館，冇打算入.

捷克有樣好係星期日超市都開。買咗> 溫泉大餅。原味係最好食嘅我覺得.佢冇唯有一小包嘅都買啦. 而呢度都有出呢種大餅，係聖誕肉桂味.
又買咗醃腸仔,同我自己整嘅味道好唔同.佢呢個醃到啲腸都係酸味嘅。又有捷克本地出嘅可樂。仲有梅林牌餐肉。梅林牌捷克係有廠的，中超都係賣捷克貨。見呢個一啲中文都冇,就買嚟試吓啦.