2017年11月6日星期一

奧國國慶

10月26 今年奧國國慶好想去國會睇吓. 
因為國會維修,臨時要將國會一分為五。搬到五處地方。
九點多啲啲到咗喺皇宮嘅新國會。早人潮未現。直行直過,唔使等。

睇睇我交嘅稅用咗去邊....
可以扮吓議員發言,影相留念。


除咗個會議廳就冇嘢睇.
喺英雄廣場起咗兩棟臨時國會辦公室。睇佢起,知係木製嘅。一心想入去睇睇,點知一邊只開咗紀念品店,另一邊未夠鐘開放。
紀念品店中展出嘅國會大廈模型。

冇嘢睇,咁就睇吓兵哥啦。


可能大家都知奧地利禁咗回教嘅罩袍,其實新法係禁止遮蓋口部。傷風唔可以戴口罩。天氣凍唔可以用頸巾遮住個口保暖。宣傳用嘅呢啲公仔都禁咗。簡直係惡法。但係佢又可以出現喎.你話係咪大細超吖.
今年因為太早嚟到,可以見到軍操。





總統遲啲會嚟呢個位拜祭陣亡士兵。

其他嘅部隊準備中.



順便睇吓啲軍備。今年我都冇巡晒全部。


總統辦公室前抗議極右政黨。
總統要下晝兩點先meet and greet,但係十點半已經有六個人喺度等。
今年我估係因防恐襲,主要路口都泊咗架裝甲車。防止有車衝入人群。

City Hall廣場例牌有個Wiener Sicherheitsfest介紹維也納各市政部門。
亦有表演睇.警察樂團正在演出。


國慶部份博物館免費。順便巡吓國立圖書館。


34 則留言:

  1. 我這邊移民多,對國慶觀念不重,就只知放假一天而已,反而比不上其他的節日!

    回覆刪除
    回覆
    1. 我有一年喺加國遇過加國國慶,唔同種族都好開心參與㗎。

      刪除
  2. 準備定套軍服咪可以笠面囉

    回覆刪除
  3. 回覆
    1. 係呀。但係年年睇就冇新意。

      刪除
  4. 回覆
    1. 打尿震click多吓又賴谷哥.

      刪除
    2. 乜王子屙緊尿時打手……………………機。
      唔怪得啲回覆暗藏(小便相逢多)韻味。

      刪除
    3. 有人會㗎,但我唔會囉.

      刪除
  5. 王子無好似事頭婆咁將D錢收埋咩?

    回覆刪除
  6. 奧地利 國慶 show off 軍事,會唔會比人笑,只係得呢D?

    回覆刪除
    回覆
    1. 同其他國家比當然笑C人啦.但係佢目的我估係奧國軍人點保護國民囉。

      刪除
  7. 國會裡的天花和牆咁。。有色彩!
    好醒神咁喔!

    回覆刪除
    回覆
    1. 皇宮呢part重建時就搵藝術家畫成咁.

      刪除
  8. 回覆
    1. 我低收入人士稅只係每月4.5%,但係強制保險就每月24%.即係月薪唔見咗大約30%.

      刪除
    2. 咁即係如果好似王子咁月入10萬的話,只係交3萬蚊稅啫,仲有成7萬咁多可以慢慢搣喎!.....XXD

      刪除
  9. 咁你有無扮吓議員影相留念?扮議員唔使發言㗎,要恰吓眼訓先似㗎 :p
    天氣凍唔可以用頸巾遮住個口保暖 <-- 我唔信如果你咁做真係會被人拉
    第15張有條友(由右邊數第6個)無咗支槍嘅? :p
    你唔等埋總統出場?

    回覆刪除
    回覆
    1. 冇扮呀。
      就係有人被拉先知咁嚴。
      係喎,乜你睇得咁detail㗎。
      唔等佢啦,都冇打算睇佢

      刪除
  10. 回覆
    1. 我只係快快咁睇咋.要睇都幾多㗎。

      刪除
  11. 睇睇我交嘅稅用咗去邊....wakakaka~
    原來連口罩都禁咗。。。 我地香港人真係要睇多D個世界

    回覆刪除
    回覆
    1. 要監察吓㗎。
      口罩好多亞洲人會中招我估.

      刪除

入咗嚟,不如寫幾隻字,留個言啦.