Heuriger係奧地利嘅傳統酒館。家庭式經營。佢哋都有自家嘅葡萄園，自家嘅葡萄酒。因為佢哋要落田工作,大部份酒館都唔係全年開，只係期間限定.
究竟邊間邊個時間開呢?咁去之前就要做一做功課喇。維也納人多數會去Niederösterreich下奧地利州嗰啲，因為近，同埋冇維也納嗰啲咁遊客feel。
以下係下奧地利州Heuriger營業日子搜尋網>
https://www.top-heuriger.at/top-heurigen-kalender
一坐低waiter會問你飲乜.不同時間有不同嘅期間限定。剛發酵嘅果汁Most,初發酵嘅葡萄酒Sturm，新酒Junger Wein同長年都有嘅紅白酒。唔飲酒嘅當然要點提子汁啦.
我哋嚟呢日已經冇Most同Sturm。兩者都似飲果汁多啲。Sturm就多少少酒精成份。(Sturm嘅德國德文唔記得係乜)
食物通常有各式麵包，麵包醬，各式沙律，各式鹹甜Strudel ，燒肉，大肉丸，炸雞，芝士，小蛋糕等。
食物冇標價，任佢噏。價錢斷重量計。即時畀錢。要食得飽,個人經驗平均每人十歐啦。
食飽走人前記得啲飲品要埋單。
又正又平下年返尋味啦
回覆刪除所以要記低。
刪除果十歐淨係嘢食，未計酒水？
回覆刪除我睇香港電視劇同啲旅遊節目，畀我感覺都係要好有錢嘅富豪先至可以喺酒莊食嘢，乜可以咁經濟實惠，葡萄園環境又好靚、啖空氣都清生過人，好夠特色，仲要係期間限定咁真貴，呢個推介值💯，去歐遊專登去食1餐都值。
不過，冇價錢牌好驚埋單時係天價，唔係熟人帶都唔敢去，其它國家如法國、瑞士、英國富貴國都有呢啲咁筍、咁抵嘅酒莊食肆架咩？
右下角3嚿好似石頭嘅係麪包？
唔太明遊客feel，係個環境布置比較商業化，唔似真正酒莊咁 樸素？
酒水未計.
刪除呢邊啲好平民。你見啲嘢食就知.
冇價錢牌唔知有冇黑店。
大肉丸同麵團。
遊客feel指冇乜本地人去囉.
酒水幾銀呢？
刪除未聽過，Most 同 Sturm 酒精幾多度？
呢度係阿蟲（某老老廣告）介紹黎架？
酒水唔記得幾銀...印象平均每人四五歐。咁睇你飲乜啦.
刪除兩種都搵唔到資料。Sturm係開始有酒精。
網上search嗰囉.
10歐, 我已經覺得好抵, 係呢度食老麥某D餐都唔得啦
回覆刪除酒水未計.
刪除老外的燒肉，我覺得其實也不比粵式的燒肉差，如果係夠香脆的話？
回覆刪除呢間正過粵式燒肉,好香脆.
刪除睇來真係唔錯喎
回覆刪除但係食嘅嘢多數係肉類。
刪除興唔興加一或畀貼士之類?
回覆刪除興畀貼士但係冇規定加一,少過都可以.
刪除燒肉唔錯
回覆刪除個皮好脆。正!
刪除有啲似Amish markets，佢哋要落田工作，都唔係日日開，多數一星期開三日
回覆刪除你度啲燒肉同港式燒肉有乜唔同？港式燒肉都可以好香脆
同港式燒肉差唔多味.
刪除嘩！10歐！ 諗都唔使諗！
回覆刪除未計酒水..
刪除睇落唔錯.....不如王子自家製脆皮燒肉喇！
回覆刪除自己整冇佢咁正.
刪除