2018年3月13日星期二

出巡- Tränenpalast

嚟柏林嘅私人時間都係去博物館。
3月6呢日嚟到Tränenpalast (Palace of Tear).  免費入場。逢周一休息.

呢個係Friedrichstraße火車站前嘅一個出入境大堂。以來往東西柏林都要經呢度.
依家嘅模型。

出入境檢查。
出入境櫃位。一個一個入去呢間窄窄嘅房。
冇問題就可以推門出去.
往月台。
博物館保留咗當時啲指示牌。
有人經呢度逃向西方。
圍牆倒下,有人移居東柏林搵商機.
東德政府建圍牆。渠蓋安sensor。以防有人投向西方。
東西柏林人民仍然可以郵政聯繫。個個都期待收到西柏林親人寄嚟嘅物資。
東柏林人回禮多數係東德嘅手信。
但係信件包果都會被檢查。好多時寄嘅嘢都石沉大海。
東西方嘅宣傳戰。
投向西柏林嘅共黨傳單。
呢間係呢個車站嘅cafe,係東西情報交換嘅地方。
東德人喺西柏林嗰邊嘅車站範圍必買嘅手信。
入境東柏林規定要換錢.
亦要申請visa
好多嘢都規定唔可以帶出境。
西德嘅雜誌唔可以入東柏林.
東德嘅文件都唔可以帶出境。
呢個唔多明,再睇睇.原來有啲人投奔西德時乜都冇帶,所以有人過嚟就會叫人幫手帶番啲自己嘅文件.
有人會用洗衣粉盒偷運違禁品。
呢位投奔西德嘅女子,帶咗啲東德嘅幻燈片,展示東德某地方環境惡劣。
東德退休人士可以多次往返西柏林.於是就變咗水貨客。
呢部份表揚一啲西德記者,時時到東柏林報導東柏林情況。
啲人開始對共產黨不滿。好多地方都有示威。最後圍牆倒下。

18 則留言:

  1. 回覆
    1. 東西柏林以前原來有來往。但兩韓唔知有冇.

      刪除
  2. 時間過得真快,轉眼之間柏林圍牆倒下已經廿幾年。

    回覆刪除
    回覆
    1. 真係呀,仲有印象圍牆倒下時香港嘅報導。

      刪除
  3. 以前寄野返鄉下, 一樣有機會被人拆

    回覆刪除
  4. 有你的講解加上圖片, 又上了一課…

    回覆刪除
  5. 好多都似曾相識,好似以前大陸同香港之間嘅關係,只係人哋終於脱離共慘檔,而大陸就....

    回覆刪除
  6. 你好似講緊以前香港同大陸!

    回覆刪除

入咗嚟,不如寫幾隻字,留個言啦.