Gołąbki (Polish Cabbage Rolls)

去一位波蘭人度食飯佢一定會整椰菜卷。佢整得好好味,所以自己都想整。於是搵搵食譜。以下呢個差唔多.
http://www.jennycancook.com/recipes/cabbage-rolls/

一個椰菜（友人建議用扁椰菜），一杯洋蔥粒, 兩瓣蒜蓉，400g 免治肉，3/4 杯米, 1/4 杯parsley碎，一杯番茄肉粒，3/4杯湯。
餡>洋蔥，蒜蓉炒香，然後撈入肉，米,番茄，parsley, 鹽，胡椒粉備用。 
煲滾一大煲水, 椰菜切去莖部,椰菜頂向上放入水中,水滾後再細火煮十分鐘。然後一塊一塊剝出嚟。切去困硬嘅部份，放上餡包。
包好嘅椰菜卷排喺煲度,加湯。細火煮大約一個鐘就食得。

我整嘅比較淡口.  友人整嘅版本冇番茄，多啲米.食時配番茄醬或蘑菇醬的。 
因為一個人,我只係買咗個細椰菜。當然大嘅葉冇乜.但係有啲細葉同餡剩咗.於是就好似lasagna咁,一層葉一層餡加湯煮熟佢.唔好嘥。