Ebbser Blumenkorso花車巡遊

8月26早咗, 11點已經番返嚟奧地利。巡遊要一點先開始。咁就搵咗間酒店餐廳取取暖。
餐廳可能呢日旺日唔夠人手,呢餐食咗差唔多兩個鐘。
酒店呢日門外有表演娛賓。

唔四圍行嘞，喺酒店門口等巡遊。

睇巡遊係免費的。

巡遊路線喺同一條街一去一回。因為鎮仔只有呢條街。

呢個方向係駛去鎮中心. 感覺有啲啲悶,因為冇樂隊。

呢隊派花㗎。好闊綽，成紮咁派。因為我唔係即日返維也納，所以冇攞。

最後一隊完咗,即去攞車走人啦. 點知。。。
之前講過,呢條係唯一嘅車路。實Q話要等巡遊隊伍回頭後條路先解封。起碼要等多兩個鐘。

吓？ 咁咪唯有睇多一次巡遊囉.
回頭原來多咗有樂隊。

時間大把，行去鎮中心八吓.

呢度人頭湧湧，熱鬧好多.

仲見有時間, 搵個位食件cake。都唔知係咪強迫人留喺度消費嘅奸計。

見有其他隊伍又標番去路邊影相.

巡遊一完（三點半前），啲檔口即刻有表演。

呢個巡遊安排，我估我睇過一次就夠嘞, 未必再嚟。