貪平去Annemasse

話說星期一8月26 會去日內瓦。但係瑞士乜都貴，喺邊度宿一宵好呢。。。發現法國嘅Annemasse有酒店好平呀, 離日內瓦只係廿分鐘車。。
如果google就會知日內瓦湖一邊係瑞士，一邊係法國。8月25 去程特登揀法國嗰邊. 途經Evian（礦泉水品牌呢!)。都幾靚。下次有機會會去巡吓.
喺Annemasse嘅酒店係喺市郊，鄰近小型飛機場。

第二朝發揮慳家本色，喺法國呢邊買定啲糧餉，喺日內瓦picnic啦.
呢度麵包舖好先進呀. 用機收錢㗎。咁個職員就唔使掂錢又掂麵包啦. (註＞自助麵包舖唔多興。而奧地利麵包舖嘅職員係每次有人買嘢就戴（新）手套。真係想像唔到一日掉幾多膠手套）

再去超市入貨。
今次喺呢度嘅KFC第一次飲Oasis。OK喎, 超市見有, 入貨啦.

超市停車場通常只係for客戶用. 但係去咗呢間唔使入閘個喎. 點知走時就要出閘，要撳密碼。密碼喺邊呢?
睇勻成張收據,全法文，唯有斷估冇痛苦。

買晒嘢再去市中心. 
Town hall 右.

就係搵郵局買郵票。點知只有一款掛喺度,仲要係我唔鍾意嘅貼紙郵票。最後運吉出番嚟。

Annemasse冇景點的。shopping就OK嘅。但要注意有啲舖頭星期一可能係休息㗎。