原始週末

6 月14 - 16去咗鄉下渡週末。地點: Grüner See附近嘅Pfarreralm。

星期五提早收工，與友人們驅車兩個幾鐘。夜晚到達。

木屋有電但係冇雪櫃。要冷藏嘅嘢放晒喺地窖。

下圖係其中嘅大廳幾個家庭可以同眠。

呢個安排對我嚟講都幾特別。首先搞手喺一年前訂咗呢度，之後再喺朋友圈中轉發再轉發。務求有足夠人數住晒間屋。

呢個安排會有相識嘅，亦有第一次參與嘅新面孔（我係其中之一）。

柴火煮食。

梳洗嘅地方。

露天沖涼房（冇熱水供應）。我就早有準備帶咗個桶，煲啲熱水沖。

六月中其實都幾凍，得十二度左右。好多人都費事沖。

茅廁。

當晚嘅鄰居。

兩晚都係燒嘢食。

個blog 由呢度開始張我啲相次序倒轉。請由未睇番上嚟啦。
 

第二朝嘅仙境。。。。

呢度冇電話網絡。唯有玩吓集體遊戲消磨時間。

夜晚落雨。

係間餐廳飲個湯（除咗腸仔，湯，就冇選擇）就快快落山。因為烏雲蓋頂。

Total 行咗五個鐘。

目的地在望喇。

友人話海拔夠高先有呢種花。

母牛出沒注意。

836號行山徑。

往目的地Sonnscheinhütte

6月15。呢日活動係行山。團友就我，揀咗條易行嘅。