旅行

 夏天係旅行嘅季節。例牌某統計會報導去邊度旅行最化算。

奧地利嘅100歐，喺保加利亞可以當181歐咁使。即係啲野平啦。我估唔到加拿大(115) 都平過奧地利喎。德國(108) 就唔使講，大家見我次次去都入貨就知啦。

講開，年頭有項關於旅遊嘅報導。我又講吓啦。

69% 奧地利人會本地遊。最熱門嘅州份順次序係Steiermark 施蒂利亞州、Kärnten 克恩頓州、Salzburg 薩爾斯堡州、Tirol 蒂羅爾州。

78% 會去近近地。熱門國家順次係意大利，克羅地亞，德國，希臘，西班牙。

21% 會遠行。首選美國，之後順序係泰國，阿布扎比＆杜拜， 馬爾代夫，日本。

每兩人就會想有海灘假期，38% 會揀城市，29% Spa，21% 體育活動。

29% 會選擇學校假期放假。（有仔女嘅當然啦）

交通方面55%會自己揸車，41%搭飛機，14% 坐火車，6% 跟巴士團， 3% 用露營車。（個統計有問題，加起嚟唔係100%）