2013年9月29日星期日

蘿蔔糕(新post)

大家冇睇錯. 呢篇係新架!! 之唔係我依家先蒸蘿蔔糕囉.  
話說西人超市罕有地有白蘿蔔賣. 正好我可以煮柱候牛腩,消滅咗樽柱候醬.

蘿蔔冇蘿蔔味我先會食. 白蘿蔔炆到入晒味勉強都食咗. 但係仲有半碌煮乜好呢? 咁就整我會食但唔好蘿蔔糕啦. 食譜搵咗以下呢個.

http://www.christinesrecipes.com/2009/01/chinese-new-year-turnip-cake.html
整蘿蔔糕係為咗消滅咗個白蘿蔔. 所以唔去買好日都唔用嘅臘腸同蝦米. 取而代之我用咗鬼佬煙肉粒. 可能半碌蘿蔔只係500g. 攪都唔係好困難
另外蒸嗰時先醒起啲蔥係蒸好先灑上去,太遲了.


第一次整都似模似樣. 但係唔記得落胡椒 ,煙肉又唔夠鹹. 個蘿蔔糕好似冇乜味.
突然有個idea. 屋企個南瓜都可以咁煮. 今次用蔥用煙肉粒,仲記得落多啲鹽同胡椒. 南瓜冇咗南瓜味我like. 呢個方法煮南瓜有下次.

84 則留言:

  1. 你可以醃酸蘿蔔呀
    撈粥送麵都得

    回覆刪除
  2. 嘩,大佬, 聽日你係咪打算post埋煎堆,油角, 再加埋蛋散呀..唔爭在...
    蘿蔔切舊, 熱油略炒, 加生/老抽/糖/水,炆煮至軟身,落蔥花, 就係一道紅燒油炆蘿白啦,好好食.

    回覆刪除
    回覆
    1. 仲有呀..你收到既y/b備份,係咪所有野都齊呢? 我好多篇冇哂相呀..所以都係要去返舊blog度copy再save先可以上新blog..真係靠唔住..有d成篇得一張相, 有d齊哂, 有d有文, 相,但冇哂留言..真係7國咁亂.

      刪除
    2. 我可能係第一個咁早蒸糕. kakaka
      有冇蘿蔔味o既先? 冇我先食架!
      唔齊架. 冇相o既blog被失蹤咗. 另外你咁講,我有好多相用o個個google drive方法都出唔到,有可能係Y!blog 齊唔見喎...

      刪除
    3. 梗係冇啦!炆完好腍甜甜地好食👍
      備份信唔過,好多冇相,但去返Y/b度係有既,咪又係要自己搬.

      刪除
    4. 好,咁搵次整. ;)
      我要篇篇去QC, d相又一大一細,都係自己搬好過.

      刪除
    5. 咪係囉....有d係y/b度完整..有d 就打包度...又有2度都唔齊.. 真係冇樣可信...
      喂 ,樓下有2個一樣頭像既,係咪你又冇食藥,係度自說自話,定出現幻覺呀XXD

      刪除
    6. 樓下有2個一樣頭像既係試試個emoticon. 你見唔見??

      刪除
    7. 我個YB備份初初都唔齊架(得千幾張相,3個files), email俾yahoo個cs, 佢再幫我重新備份一次(今次有萬幾張相,11個files), 而家9成幾齊啦,只係好耐唔時有一張相出唔到, 如果唔齊快D出email俾yahoo叫佢做過俾你啦,唔係過咗日子就無得救架啦!

      刪除
    8. 我已手動搬晒喇. o係weshare又開咗個account.

      刪除
  3. 你食冇蘿蔔味既蘿蔔???咁點解你仲食蘿蔔呀?

    回覆刪除
    回覆
    1. 紅蘿蔔我都係要食冇蘿蔔味架. 咁我又唔知做乜鬼又想買喎.kakaka

      刪除
  4. 閒時整黎食下都唔錯丫, 唔一定要新年的 !

    回覆刪除
  5. 我係將蔥加落臘味一齊炒,整好先落係賣相好D.

    回覆刪除
  6. 如果一次食唔哂個蘿蔔糕, 唔好落蔥係面, 好易發毛架。

    回覆刪除
  7. 回覆
    1. 試試d emoticons. 你見唔見??

      刪除
    2. 你可以參考以下呢度.
      http://mrsbenz.blogspot.hk/2013/09/blog-post_26.html?showComment=1380340503766#c8074882616893926347

      刪除
  8. 加煙肉? 新創意喎.......你之前有冇煎香D煙肉先???
    D蔥呢.....我初初以為係榨菜添....哈哈哈

    回覆刪除
  9. 我都好鍾意食煎嫁,平時都會買來食。
    蘿蔔最靚、最平係喺新年。

    回覆刪除
    回覆
    1. 買返黎o個d好似係舊粉咁,冇料過喎.

      刪除
  10. 睇見你整蘿蔔糕,突然好整嚟食添!

    回覆刪除
    回覆
    1. 見有靚蘿蔔賣就整啦,唔好等. ;)

      刪除
  11. 香港腳王子版蘿蔔糕^^蘿蔔整Kimchi咪算囉!無蘿蔔味嘅蘿蔔糕咁髙@@

    回覆刪除
    回覆
    1. 蘿蔔糕我覺得係冇蘿蔔味架. :D

      刪除
  12. 又要食蘿蔔無蘿蔔味,又要食南瓜無南瓜味,不如唔好鬼食啦王子,你都係志在整。。。
    話時話,你個南瓜糕又點會無南瓜味?我覺得南瓜好勁味架。。。

    回覆刪除
    回覆
    1. 王子食既都係基因改造仲要係改錯哂既..所以你見佢食到痴痴呆呆..可能D野好重味,但佢冇左味覺kakakakaka~~~~

      刪除
    2. 南瓜冇南瓜味我估係煮好耐就得. 呢個南瓜糕真係冇南瓜味架,所以我先食.
      毛豆>> 你唔好搭咀!! 7:P

      刪除
    3. 好難想像到南瓜會冇南瓜味。。。。囉。。。。煮好耐,你真係浪費能源呀王子

      刪除
  13. Western carrot cake. A pioneer recipe.:)

    回覆刪除
  14. 親愛的Yahoo!Blog用戶:

    你好!我們是Yahoo!Blog輕鬆搬家的指定合作平台,名叫WeShare.hk (http://www.weshare.hk) 我們致力推動香港blog界發展,並集合香港blogger的力量,打造香港人專屬的多元化平台。

    Yahoo!Blog將於年底停止服務,閣下可能也忙於把資料搬家。我們瀏覽過閣下的Blog,十分欣賞其內容,與您管理此網誌的用心。現誠邀閣下透過輕鬆搬家,延續網誌的生命。輕鬆搬家能把Yahoo!Blog內所有的文章和網誌全部按屬性搬家,過程十分簡單,只需一個步驟。如果你選擇搬家來WeShare.hk,我們將會有專人為你跟進,確保資料不會流失。同時,我們也會在不同的渠道讓你的支持者能繼續找到你。(包括:Yahoo或其他搜尋器)

    為了歡迎您們搬家來WeShare.hk,我們已準備了豐富的禮物送給大家!
    搬家送大禮:送出HK$100崇光或百佳現金券
    分享送大禮:送出HK$50 UA戲院/Haagen Dazs或HK$200崇光或百佳現金券
    詳細送禮內容請看:http://www.weshare.hk/page?view=promo
    WeShare.hk的服務是完全免費的,希望您能在這繼續撰寫文章,延續精彩的網誌生命。我們亦期待在日後的活動和小聚中與你見面,一起去優化WeShare.hk,合力創造屬於香港人的網誌平台。請私訊留下你的聯絡方法,我們會有專人跟進搬家事宜。如有任何問題,歡迎聯絡我們。

    電話:3996 7583
    電郵:info@weshare.hk
    WeShare.hk Facebook:https://www.facebook.com/weshare


    期待你的回覆
    WeShare.hk
    Yahoo!Blogg輕鬆搬家的指定合作平台

    回覆刪除
    回覆
    1. 現在先見到有呢個嘢,冇人提過。他們睇中你個 blog 喎。

      刪除
    2. https://www.facebook.com/weshare
      有冇上去睇下。我睇過,好似啲群組嚟。
      http://www.weshare.hk/kitva95
      以上呢個是http://kitva95.blogspot.hk/ 同一人, 看來是有此 blog ,得閒你去睇下。

      刪除
    3. 我睇過weshare.hk 唔知多唔多人用o既呢??

      刪除
    4. http://www.weshare.hk/site/blogger
      睇下呢個site, 唔識啲人喎。

      刪除
    5. 我見過一兩個Y!blogger o係weshare開咗account. 可能大多我哋識o既都o係blogspot啦.

      刪除
  15. 似乎呢日係"香港國新年" !! 哈哈哈 !
    你鐘唔鐘 食日本汁炆白蘿蔔.甜甜地有d木魚碎係面..我試過亂煮清埋d白蘿蔔.
    above weshare comment 都好夾硬喎

    回覆刪除
    回覆
    1. 日本汁炆白蘿蔔係咪おでん(oden)呀??
      weshare呢個offer Y!blog o個邊未有提.

      刪除
    2. no, a bit look like this one
      http://tw.myblog.yahoo.com/yu2348917/article?mid=659

      刪除
  16. 靚蘿蔔好遇不可求,喺外國,想食就要整嚟食喇!

    回覆刪除
    回覆
    1. 最弊係冇人買佢唔會再入貨. 好似前幾年有好正o既墨西哥芒果賣,e+唔見咗幾年了.

      刪除
  17. 無南瓜味的南瓜,無蘿蔔味的蘿蔔?? 你好怕陣味?

    回覆刪除
    回覆
    1. 搬家送大禮喎, 你搬唔搬??

      刪除
    2. 係呀. 仲有仲有,雞要冇雞味. :))
      多個地方擺blog都好. 但係weshare呢個offer Y!blog o個邊未有提

      刪除
    3. 雞要無雞味。。。。。王子不如搬去美國或者搬返大陸啦。。。。

      刪除
    4. kakaka 我個人cheap食cheap雞得架喇.

      刪除
  18. 我都買咗南瓜,唸住煲南瓜粥,有剩嘅都可以試吓南瓜糕噃。

    回覆刪除
  19. 蘿蔔糕似樣,
    唔夠味下次再試過!
    自古成功在嘗試

    回覆刪除
    回覆
    1. 用南瓜整o個次就味道啱啱好.

      刪除
  20. 嘩…整得好似樣喎。
    香港啲白蘿蔔就黎係當造,我都預備整返幾底糕。

    回覆刪除
  21. 無南瓜味o既南瓜同蘿蔔冇蘿蔔味....好抽象呀王子!

    回覆刪除
    回覆
    1. kakaka, 蘿蔔糕我覺係冇乜蘿蔔味.

      刪除
  22. 人在異地整蘿蔔糕食, 幾有香港風味喎!!

    回覆刪除
    回覆
    1. 但係我呢個物資短缺下唔正宗.

      刪除
  23. 王子曆法......香港國過年咩:P
    以前我整過南瓜糕......仲加埋南瓜粒, 就好有南瓜味!

    回覆刪除
    回覆
    1. 係呀,過年喇. 你封咗利是過我未呀?? =))
      我唔要有南瓜味架.

      刪除

入咗嚟,不如寫幾隻字,留個言啦.