2014年8月17日星期日

桑拿守則

寫上篇blog時搵到去公眾桑拿個守則. 咁又同大家講吓啦. (我唔係翻譯個守則)

1. 桑拿區大部份都要收額外入場費.
2. 桑拿區大部份都係天體. 大家請脫. 但係有部份人唔入桑拿房時會著番泳裝.
3. 焗桑拿前請沖身.
4. 唔好生人霸死地. 但係我見呢度好多人都唔理. 有啲嚴格桑拿, 啲員工真係會拎開你啲嘢架.
5. 鞋唔可以入桑拿房.
6. 桑拿房冇乜人時你可以瞓喺度. 人多唔夠位時唔好自私,坐番起身啦.
7. 三五知己坐埋一齊時唔好高談闊論. 密室中有人想relax.
8. 汗水唔好滴喺木板度, 個人要坐喺毛巾上. 呢個其實我唔係好明. 毛巾索水,咁 啲汗一樣會同木板接觸啫..
9. Aufguß(加水)係有職員服役. 唔好自己嚟. btw通常你唔會見個木水桶. 相反如果酒店有住客桑拿部,多數冇人服役. 自己鍾意做Aufguß就做呢.
10. 沖,過冷河,吸新鮮空氣. Btw浸落凍水度我真係未試過.
11. 多飲水,休息吓. 雙腳抬高(好多椅design都係for抬高腳). 有次有間酒店桑拿專家教過路,抬高腳同時用毛巾包腳,真係C服好多架.

44 則留言:

  1. 第6同第7幅圖意思係咪男女同桑拿架?

    回覆刪除
    回覆
    1. 冇錯. 我呢度大多數都係男女同焗架.

      刪除
  2. 桑拿前沖身, 必需啦 ! 坐係毛巾度,一黎毛巾可以吸汗, 二來都係對你自己保障 ,光豬個個坐, 好易惹到野,赤腳其實一樣易中招, 睇好唔好彩.過冷河係有利血液循環 .
    香港果d多數都係包條毛巾 .但最怕d八婆係入面搽哂焗油, 減肥膏 , 搞到d櫈肥淋淋,好賤 !高談闊論更加啦, 平時大聲慣左既劣習.都有見d女人超豪爽光豬, 唔明佢諗乜.

    回覆刪除
    回覆
    1. 我見過有人係桑拿度拉筋, 以為去左 hot yoga?

      刪除
    2. 毛豆>> 超豪爽光豬可能係感染咗奧地利人作風.
      Ah Mo>>拉筋? 乜間桑拿好闊落架?

      刪除
    3. 唔闊落啦, 不過當時無乜人, 不過係咪都要顧下人感受呢

      刪除
  3. 我真係試過搽冰,話係正宗芬蘭桑拿喎

    回覆刪除
    回覆
    1. 我去過一間o既Aufguss都有搽冰. 我覺得好正,可以降吓溫.

      刪除
  4. 看圖.......男女一齊焗嗎?我害羞點算呀?

    回覆刪除
    回覆
    1. 我呢度大多數都係男女同焗架. 害羞>>咁唯有睇多幾個靚仔補數囉.

      刪除
  5. 我只在台灣做過nude sauna/steam bath,不過是男女分開的呀

    回覆刪除
  6. 無寫唔可以眼瞪瞪咁望住人咩?肉塲社交禮儀喎!

    回覆刪除
  7. 毛巾是必需的,熱辣辣坐落唔得架。

    回覆刪除
  8. 焗桑拿我相信純是為了享受,而且也不可能逗留得太久,所以一切守則能遵守與否也不會成為問題,當然最好要自律啦!

    回覆刪除
  9. 我未焗過桑拿, 但男女同室就咪攪啦.

    回覆刪除
  10. 咁多唔多大陸同胞去見識?~~~驚!!

    回覆刪除
  11. 好介紹! 有D唔講唔知!

    回覆刪除
  12. 回覆
    1. 桑拿房入邊都唔可以包毛巾架. 要好似圖8咁.

      刪除
    2. 可能有靚仔喎. 真係唔好攪你?? 哈哈哈.

      刪除
  13. 竟然可以男女同焗...仲要脫光的....@@

    回覆刪除
  14. 好熱,我頂唔住,好快就走番出去,唔啱我玩。

    回覆刪除
    回覆
    1. 我覺得去咗50幾60度o個d先,咁先頂到90度.

      刪除
  15. 咁你有無入鄉隨俗碌光豬?
    諗起Welcom to Sweden,第一集有講個美國仔包住毛巾入去焗桑拿,有啲好笑呀,我知你唔鍾意睇呢套劇,但如果你想知我講乜,去睇第一集大約最後嗰十分鐘啦

    回覆刪除
    回覆
    1. o係呢個區一定要架. 我都慣咗了.
      睇咗. 最好笑我覺得係個女友問其他人美國仔做乜著咗褲.

      刪除
    2. 哈哈,係呀係呀,女友問其他人美國仔做乜著咗褲,係好好笑,跟住其他人話佢哋都wondering呢個問題,都好笑呀 :D

      刪除
    3. btw呢齣o野太多瑞典文,時時都要睇字幕,唔多好.

      刪除
  16. 男女同焗!!! 色不異空,空不異色,南無阿彌陀⋯ 千其唔好有絲毫雜念,唔係有生理反應咪大獲!

    回覆刪除
    回覆
    1. 可能有d人你見到想有生理反應都難. kakaka

      刪除
  17. 桑拿都咁多規矩, 不過真係好睇人o既自身品德呢... (btw, 我未試過呀, 驚有d 人dirty嘛..)

    回覆刪除

入咗嚟,不如寫幾隻字,留個言啦.