2016年8月21日星期日

The making of Luno-Festival

維也納將會有一個四川嚟嘅大型中國彩燈會Luno-Festival。星期三嗰晚因公去咗睇吓佢哋嘅準備工作。


話全部都係用LED燈。燈膽膠膠地,大陸貨但係有CE標誌,我估安全唔會自焚卦。
布係用萬能膠黐上去金屬框上.
塊布拉唔衡,佢哋會搣起塊布,再拉過,唔使再搽膠水又可以黐返上去. 太神奇喇! 係乜牌子呢?
工場
睇到佢哋係用乜牌子萬能膠.


原來唔會有紙紮人.







內部結構。


呢啲係扮水晶/玻璃.
係用玻璃樽仔紮出嚟㗎。

下面呢個又係嘆為觀止。
杯杯碟碟紮嘅。

攞咗一個拜神杯做紀念。





興建中嘅維也納歌劇院。
夜晚八點都仲開工。有冇違反奧地利勞工法呢???
有幾個整好咗or就快完工嘅亮咗燈畀我哋睇.





呢個噴泉嘅用色同閃閃吓嘅燈真係娘爆。
噴泉個設計都好有創意。結合咗三個景點嘅石像。


據主辦單位講,九月搞呢個活動只係因為天氣穩定,同中秋冇關.
佢整好晒應該我會嚟多次睇.

38 則留言:

  1. 手工一流…睇嚟伸比香港彩燈會更靚呀!

    回覆刪除
    回覆
    1. HK嘅我只睇過尖沙咀鐘樓嗰啲咋.

      刪除
  2. 花燈節有乜目的?好奇怪。
    去過邊個國家舉辦過?
    經費由邊度黎?

    回覆刪除
    回覆
    1. 話就話介紹中國文化畀西人認識。
      冇㗎,只係嚟維也納。
      有中國大財團贊助,中國使館大力支持喎.(我就覺得係洗黑錢,因為睇呢個要收入場費的)

      刪除
  3. 回覆
    1. 我睇咗好耐,慢慢研究。

      刪除
    2. 用杯碟紮的我在日本長崎中華街見過。我覺得好幾勁。

      刪除
  4. 呢類中國民間工藝真係好精美同埋全部人手整出, 少d工夫都唔得, 但依家好多都後繼無人, 將近失傳了.好可惜.以後想睇都冇了.
    d配色都係傳統之一, 香港好多街頭都有呢類既公仔, 都係同樣咁既鄉土色彩.
    d玻璃樽仔係好似醫院裝針劑既, 你又唔拎埋匙羹碟.

    回覆刪除
    回覆
    1. d配色真係好土氣囉.
      裝針劑>>>似喎.
      哎呀!都係你醒。早知攞佢一套.

      刪除
  5. 真係好大型,咁咪要好多人開工。

    回覆刪除
  6. 點解農曆七月攪D咁野呀

    回覆刪除
    回覆
    1. 唔知有冇記錯,中元節好似係農曆七月十五日,古時是與上元佳節的正月十五都一樣有彩燈慶祝……

      刪除
  7. 回覆
    1. 又係喎,有乜唔妥影響國家聲譽。

      刪除
  8. 又真係幾有中秋節氣氛喎
    順手拎埋成套杯碟返去用啦XXD

    回覆刪除
    回覆
    1. 但係佢話唔關中秋事。
      早知攞佢一套.

      刪除
  9. 回覆
    1. 原來叫鯉魚躍龍門,佢同兩條龍嘅牌樓係一set㗎。

      刪除
  10. 這樣子的燈飾...感覺總是怪怪...
    香港不少公園也會搭建這樣子的中秋燈飾...

    回覆刪除
    回覆
    1. HK嗰啲免費睇,我呢邊要入場費呢。

      刪除
  11. 「夜晚八點都仲開工。有冇違反奧地利勞工法呢???」––––我呢邊經常有壓榨外勞情況,時薪俾少過法定標準,超時唔補水,你地果邊恐怕都唔會好得去邊。

    回覆刪除
    回覆
    1. 唔知合約唔係喺奧地利簽,喺奧地利受唔受法例保障。

      刪除
  12. 真係超奇怪,無啦啦響你度搞個咁大型嘅活動

    回覆刪除
  13. 雖然係好難得的中國民間工藝, 我唔鍾意紙札, 鍾意杯杯碟碟玻璃樽整嘅多。

    回覆刪除
    回覆
    1. 傳統嘅龍呀,動物呀我都OK。其他紙札feel嘅就麻麻。

      刪除
  14. 大陸嘅野就係咁意想不到架啦~ 香港已經無乜紙紥燈籠了⋯
    哦! 原來唔關中秋事。

    回覆刪除

入咗嚟,不如寫幾隻字,留個言啦.