Estragon-Hähnchen

早前咪話好邪,想買estragon去咗幾間超市都搵唔到嘅。 某日喺波蘭超市見有,又平喎,即買存倉啦.
有咗佢,即刻想煮呢個法式雞（我信係法式囉,因為上次煮過一個法式都係差唔多煮法）

食譜打咗原著啦,最後畀我改改改。
湯＞兩個洋蔥去皮插上幾粒丁香，兩條thyme，兩塊月桂葉，兩紮parsley，兩條紅蘿蔔切片，兩條estragon.
雞＞一紮estragon，一隻雞，一塊煙肉 
煮法＞所有湯料放入2L水煲滾。鹽，胡椒調味. 雞肚放入estragon,用煙肉捲住隻雞，放入湯度煲55分鐘。最後用粟粉埋芡。

我改！我只係煮雞脾，份量減咗半。香草我全用乾貨。丁香我嘅係粉狀，冇份量,重手咗.
雞脾我用鹽胡椒estragon醃過夜。煙肉捲住隻雞放湯咪甩囉,我改放煙肉粒喺個湯度.
如果當呢個係湯咁食都幾好味嘅。